Home » ዜና » መንግስት “መፈንቅለ መንግስት” ያለው የባሕርዳር እና አዲስ አባባ ቀውስ ብዙ ጥያቄዎችን አስነስቷል

መንግስት “መፈንቅለ መንግስት” ያለው የባሕርዳር እና አዲስ አባባ ቀውስ ብዙ ጥያቄዎችን አስነስቷል

ሰማኽኝ ጋሹ (ዶ/ር)

The Bahir Dar coup story.

መንግስት ሁኔታዎችን ተቆጣጥሮ የባህር ዳርን አካባቢ ሰላም ማስጠበቁ የሚያስመስግን ነገር ነዉ። ግጭቶች ከዚህ በላይ ቢባባሱ ብዙ እልቂት ሊደርስ ይችል እንደነበር መገመት ይቻላል። ከሚወጡት መረጃዎች ለመረዳት እንደሚቻለዉ በጀነራል አሳምነዉ ፅጌና በክልሉ መስተዳድር መካከል የክልሉን ፀጥታ አከባበር በተመለከተ አለመግባባቶች ነበሩ። የክልሉና የፌዴራል መንግስቱ ጥቃቱ የተፈፀመዉ በጀነራሉ እንደሆነም በግልፅ አሳዉቀዋል። ነገር ግን የዚህ ጥቃት አፈፃፀምና አላማ ለመረዳት ብዙ ዝርዝር መረጃዎችን ማወቅ ይጠይቃል። አንዳንድ ጉዳዮች ግን ከወዲሁ ጥያቄ የሚያጭሩ ናቸዉ። መንግስት የደረሰዉን ጥቃት የመፈንቅለ መንግስት ሙከራ ነው ብሎ በጭር ጊዜ ዉስጥ ድምዳሜ ላይ መድረሱ ለምን አላማ ታስቦ እንደሆነ ግልፅ አይደለም። ጀነራም አሳምነዉ ልምድ ያላቸዉ ወታደር እንደመሆናቸዉ የክልሉን መሪዎች በመግደል መፈንቅለ መንግስት አድርገዉ ስልጣን ለመያዝ አስበዉ ነበር የሚለዉን ግምት አጠያያቂ ያደርገዋል ።

ጀነራል አሳምነዉ ምን ያህል ሃይል ቢኖራቸዉ ነው የክልሉን ሃይል ተቆጣጥረዉ የራስቸዉን መንግስት እመሰርታለሁ ብለዉ ሊያስቡ የሚችሉት? ይህም ቢሳካላቸው የፌዴራል መንግስትን ሰራዊት መክቼ አስተዳድራለሁ ብለው አስበው ነው እንዴት ማለት ይቻላል? ጉዳዩን በመንግስት ባለስልጣናት ላይ የተደረገ ግድያ እንደማለት መንግስት መፈንቅለ መንግስት ነው ማለቱ የአለም አቀፉን ማህበረሰብን ትኩረት እዲያገኝ አድርጎታል። ይህ ሁኔታ አገሪቱ በአለም አቀፍ ደረጃ ያላትን ስም የበለጠ በማበላሸት አገሪቱ በኢንቨስትመንትም ሆነ በቱሪዝም የምታጋኘዉን ጥቅም ያሳጣታል። አንድ ሃላፊነት የሚሰማዉ መንግስት ሁኔታዎች መፈንቅለ መንግስት የማይመስሉትን ሁኔታዎች በዚህ መልኩ መግለፅ አይደለም የመፈንቅለ መንግስት ሙከራ መሆኑን የሚያሳይ መረጃ ቢኖረው እንኳን በአገሪቱ ገፅታና በህዝብ ስነ ልቦና ላይ የሚያሳድረዉን ተፅእኖ በመረዳት ጥቃቱን በዚህ መልኩ ከመግለፅ ሊቆጠብ ይገባ ነበር።

ጉዳዩን በመፈንቅለ መንግስት መልክ አስቀድሞ መፈረጅ መንግስት ጉዳዩን በገለልተኛነት ያጣራዋል ብሎ ለማሰብ የማያስችል ከመሆኑም በተጨማሪ መንግስት ጥቃቱን በዚህ መልኩ በመግለፅ ሊያሳካው የፈለገው ፖለቲካዊ ግብ አለ የሚል ግምት ይሳድራል። በተለይ በክልሉ ያሉትን ተቃዋሚ ብሄርተኛ ሃይሎች ለመምታት እንዲያመች ተደርጎ ጥቃቱ በመፈንቅለ መንግስት መልኩ እንዲስተጋባ ስላለመደረጉ እርግጠኛ መሆን አይቻልም። በዚህ ጥቃት ሰበብ ከጉዳዩ ጋር ግንኙነት የሌላቸዉን ተቃዋሚ ሃይሎችን ለማትቃት ሙከራ ከተደረገ ችግሩን ሊያባብሰዉ የሚችልበት እድል ከፍተኛ ነዉ። ይህ እንዳይሆን ብርቱ ጥንቃቄ ያስፈልጋል።

የባህርዳሩን ጥቃት አዲስ አበባ ከነበረዉ ግድያ ጋር ያለው ግንኙነት ግልፅ አይደለም። ጀነራል አሳምነዉ ልምድ ያለዉና አሁን ያለዉን የሃይል አሰላለፍ የሚረዳ ሰው እንደመሆኑ ጦሩ በእነማን እንደሚመራ እያወቀ ጀነራል ሰአረን በመግደል ወደ ባህር ዳር ጦር እንዳይላክ ሞከረ የሚለዉ ምክንያት ስሜት የሚሰጥ ነገር አይደለም። ከጀነራል አሳምነው ጋር ግንኙነት የነበረዉ ሰዉ ወይም ሊኖረዉ የሚችል ሰዉ ጀነራል ሰአረን በዚህ ቀዉጢ ወቅት እንዲጠብቅ ይደረጋል ብሎ ለመገመትም ያስቸግራል። ጀነራል ሰአረ ምናልባት ባህርዳር የተፈፀመዉን ጥቃት ይመሩ ከነበረ ጥሮተኛዉ ጀነራል እቤታቸዉ መጥተው አብረዉ ጊዜ ያሳልፉ ነበር ብሎ ለማሰብም አስቸጋሪ ነዉ። የጀነራሉ ግድያ የባህር ዳሩን ጥቃት በማሳበብ ሊያስወግዳቸዉ የፈለገ ሃይል ስራ ወይም በግል ስሜት ተነሳስቶ ግድያ የፈፀመ ግለሰብ ድርጊት ነው ሊሆን የሚችለዉ። ግድያዉ ከጀነራል አሳምነዉ ጋር ይገናኛል ከተባለ መንግስት ይህንን የማስረዳት አቀበት ይጠብቀዋል።

One comment

  1. General Asaminew was not about to just simply sit down and watch Ethiopia go to hell with the EPRDF elites scandalous leadership , he made so many actions and said so many things that clearly expressed what his stands were in regards to EPRDF’s actions against Amaras. EPRDF shot him down to shut him up because they didn’t like his stands.They wanted him and all his supporters dead.

    Now we Amaras clearly identified the sophistication of the scandalous genocide ethnic cleansing crimes against humanity perpetrated against many Ethiopians especially Amaras by EPRDF. Asaminew might be dead but his spirit of Amara rising against EPRDF is more alive than ever . EPRDF even killed the EPRDF member Ambachew because he was simply Amara. EPRDF didn’t kill Abdi Alley of Somali but killed Ambachew , Saere …… No wonder Bereket Simon turned himself in voluntarily, I guess he knew it is safer in prison than outside.

Comments — What do you think?