Home » ጦማሮች እና አስተያየቶች » እሽሩሩ ኦነግ (ከአንተነህ መርዕድ)

እሽሩሩ ኦነግ (ከአንተነህ መርዕድ)

ከአንተነህ መርዕድ

Oromo Liberation Front (OLF)

የኦሮሞ ነፃነት ግንባር ለኦሮሞ ህዝብ መብት የተነሳሁ ነኝ ቢልም ባለፉ አርባ ዓመታት ለምን እንደቆመ ተግባሩ እያሳየን ነው። በተለይም በዚህ የለውጥ ጊዜ ኢትዮጵያን ወደየት ይዟት ሊሄድ እንደፈለገ በተግባር ያሳየን ስለሆነ ዛሬ ሁሉም በሚገባ ያውቀዋል። ሁሉን አካታች የሆነው የኦሮሞ ህዝብ በስሙ በሚካሄድ ወንጀል የአገሩ ህልውና አደጋ ላይ እየወደቀ ከሌላው ወገኑ ጋርም በፍቅር የሚኖርበትን ሁኔታ እየተበላሸ ነው።

ከሁሉም በላይ ስልጣን ላይ ያለው የለውጥ ሃይል ኦነግን እሽሩሩ የሚልበት ሁኔታ አሳሳቢ ነው። አምስት መቶ የማይሞላ ታጣቂ አለኝ ባለ በወሩ በአስር ሺዎች ታጣቂ አለኝ ሲልና ትጥቅ አልፈታም ብሎ ለያዥ ለገራዥ ሲያስቸግር ዝም ተባለ። ኦነግ ሲያልማት የኖራትን የተገነጠለች ኦሮምያ ሪፐብሊክ ለመመስረት ሁሉንም ለመዋጥ ሲያዛጋ እያየን ነው። አሁን ግን ከማዛጋት አልፎ እየነከሰም እያደማም ነው። ሶማልያ ለተፈፀመው እልቂትና ስደት ከአብዲ ኢሌ የበለጠ እንጂ ያነሰ ሚና አልነበረውም። ሃረርንና ድሬደዋን ለመሰልቀጥ በከባባ ነዋሪዎቹ ስቃይ ላይ ናቸው። በመቶ ሺህ የሚቆጠር የጌድዮ ህዝብ ላይ የተፈፅመው ዘኛኝ ግፍ አይደለም በድርጊቱ የተሳተፉትን ስልጣን ላይ ሆነው በቸልታ የተመለከቱትን ነገ ማስጠየቁ የማይቀር ነው። ኦነግ በደቡብ ለሚገኙ ሌሎችም ማህበረሰቦች የስጋት ምንጭ ነው። ቡራዩ የተካሄደው ዘኛኝ ጭፍጨፋ በግልፅ ለመናገር የዘርማጥፋት ወንጀል በሚገባ በመረጃ ተደግፎ የተቀመጠ ወንጀል ስለሆነ ነገ የሚወጣ እውነት ነው። አዲስ አበባን በመዳፉ ለማድረግና ነዋሪዋን ቅኝ ለመግዛት የተሄደበት ግልፅና ስውር ደባ የሚሳካ ባይሆንም ብዙ የሚያስከፍለን አደጋ ነው። ሞያሌ እንዲሁም ምዕራብ ወለጋ በዜጎች ላይ የተደረገው ግድያ፣ ዘረፋና የንብረት ማውደም ለሌላው ብቻ ሳይሆን ቆሜለታለሁ ለሚለው ለኦሮሞው ህዝብም የማይመለስ አረመኔ ድርጂት መሆኑን በአደባባይ አስመስክሯል። አስራ ስምንት የህዝብ ባንክ ሲዘርፍ፣ የህዝብ መጠቀምያ የሆኑ ትምህርት ቤቶች፣ ክሊኒኮችና መስሪያ ቤቶች ሲያወድም፤ የአካባቢ ተወላጁን ኢንቨስተር ከውጭ ባለሙያዎቹ ጋር ገድሎ ሲያቃጥል ኦነግ ለኦሮሞ ህዝብ ቆሟል የሚል ካለ ጤነኛ አይደለም።

የቤንሻንጉል ባለስልጣናትን በመግደል በኦሮሞዎች ጉረሮ ላይ ቆሞ በመቶ ሺዎች እንዲፈናቀሉ ምክንያት ሲሆን አሁን  ደግሞ ወደ አማራው ሰሜን ሸዋና ወሎ ዘልቆ ከመንግስት የውስጥ ደጋፊዎቹ ባስታጠቁት ከባድ መሳርያ ንፁህ ኢትዮጵያውያንን ሲገድል ኦሮሞው ከሌላው ወገኑ ጋር በሰላም እንዳይኖር እያዘጋጀው ያለው አደጋ የማይታየው ካለ የሞተ ብቻ ነው።

ባለፉት ሶስት የትንቅንቅ ዓመታት በወያኔ ስናይፐር ሺ ወጣቶች በአደባባይ ሲረፈረፉ አንዲት ጥይት መተኮስ ሳይችል በኢሳያስ ጉያ የነበረ ልፍስፍስ ድርጂት ዛሬ ሺ ንፁሃንን የሚገድልበት ጉልበትና ችሎታ የት አገኘ? መልሱ ቀላል ነው። ኦህዴድ ውስጥ ተጠልለው የኖሩ ዘራፊና ፈሪ ዘረኞች መሳርያውን፣ ገንዘቡን፣ መንግስታዊ ተቋሙንም ከፍተው አቅም ሰጥተውታል። ዴሞክራሲያዊ ለውጥ እነሱንም እንዳይጠራርግ ህወሃት ትቶት የሄደውን ስልጣንና የሃብት ምንጭ ተቆጣጥረው ተረኛ አምባገነን መሆን ያለሙ ለናቸው በእያንዳንዷ ክፍት ቦታ ራሳቸውን ሲሞሉ እያየን ነው።

ትናንት የአገር ጠላት ህወሃት መራሹ ጨካኝና ዘራፊ ቡድን ነበረ። በህዝብ ትግል ተወግዷል። ዛሬ ደግሞ ጎልቶ ያልወጣ ቢመስልም በኦነግ ዓላማ ዙርያ ኢትዮጵያን ቀፍዶ የሚይዝ ሌላ ዘረኛና ዘራፊ አምባገነን ስርዓት ለመትከል ቅርፅ እየያዘ የመጣ ሃይል በተረኛነት በኢትዮጵያ አድማስ ላይ ይታያል። ከዓመት በፊት የተለኮሰውን ተስፋ ሊያደበዝዝ ጥላውን ዕያጠላ ያለው አስፈሪ ዘረኝነት በጠቅላይ ሚኒስትሩ የመደመርና የፍቅር እንዲሁም የለማ መገርሳ ኢትዮጵያ ሱሴ አማላይ ሰበካ የሚወገድ አይደለም። ያዘናጋን እንደሆነ እንጂ።

መፍትሄው በህዝቡ እጅ ነው። መንግስት የዜጎችን ደህንነት መጠበቅ እየተሳነውና የተደራጀ ዘረኛ ቡድን ተስፋፊ ፍላጎቱን በመላ ኢትዮጵያውያን ላይ ለመጫን እድል እየሰጠው ስለሆነ ራሱን መጠበቅና ለውጡን ወደ ትክክለኛ አቅጣጫ ማስኬድ የህዝቡ ሃላፊነት ነው። ስለሆነም

  • ህዝቡ መንግስት የአገሪቱን ፀጥታ እንዲያስከብር ጠንክሮ መጠየቅ፣ መታገልና ማስገደድ፤
  • ህዝቡ በየአካባቢው በመደራጀት የአካባቢውን ፀጥታ መጠበቅና ግጭቶች እንዳይነሱ መከላከል፣ ከአጎራባች ህዝብ ጋር መልካም ግንኙነት መቀጠል፣ ለጋራ ደህንነት መተባበር፤
  • በፖለቲካ አስተሳሰብ፣ በሃይማኖት፣ በባህልና በዘር ልዩነት የሚራገቡ ቅስቀሳዎችን ማስወገድ፤ ይህንን ልዩነት የሚሰብኩትን እንዲያቆሙ ማስገደድ፤
  • በተፈጠረው ቀውስ የተፈናቀሉትን ማቋቋም፣ ራሳቸውን እንዲችሉ ማድረግ፤
  • የአገሪቱ ኤኮኖሚ አደጋ ላይ ስለሆነ ምርት እንዲጠናከር፣ ገበያ እንዲስፋፋ፣ የህዝብ ግንኙነት እንዲሳለጥ ማድረግ። የምርት ቋማት ላይ የሚደረግን ጥቃት መከላከል፤
  • በባህላችንም፣ በእምነታችንም ያልነበረውን እየተለመደ የመጣውን ጭካኔ ማውገዝና መከላከል ያስፈልጋል

መንግስት ኦነግን እሽሩሩ የሚልበት እንቀልባ እስኪበጠስ በትዕግስት ስንጠብቅ አገራችንን እናጣታለን። ዛሬ መንግስት የምንለው ሃይል የጠራ አቋም ወይንም አቅም ያለው አይመስልም። አቋሙ ሆነ አቅሙ የህዝቡን ፍላጎት ማካተት የሚችለው ህዝባዊ ትግሉ ሲቀጥል ነው። አሁን “ፖለቲከኛ” ነኝ የሚለው አማተርም ሆነ ህዝቡ የለውጥ ሃይል ከሚባለው አካል ብዙ ይጠብቃል። ጨርሶ ስህተት ነው። እነዚህ ሰዎች በህዝብ ትግል ተገድደው አገልጋይነቱም ሰልችቷቸው ትግሉን ተቀላቀሉ እንጂ በተፈጥሮአቸው የለውጥ ሃይል አይደሉም። በህዝብ ሙቀትና ጭብጨባ የጀመሩት እስክስታ ከውስጣቸው የመነጨ አለመሆኑን ተግባራቸው እያሳየን ነው። ዋናውን ስራቸውን ትተው አሁንም ድቢ እየመታን እንድናጂባቸው እንጂ ስህተታቸውን እንድንነግራቸው ፍላጎት እያሳዩ አይደለም። ቀዝቀዝ ስናደርግ ሲቆጡና ሲደናገራቸው፣ እልፎ እልፎም የከፈሉትን መስዋዕትነት ሊሰብኩን ይዳዳቸዋል። ልጆቻቸው በስናይፐር ከተገደሉባቸው ወላጆች ወይንም ጥፍራቸው በፒንሳ፣ ብልታቸው በሃይላንደር ከተጎተቱት በላይ መስዋዕት ከፍለናል ሊሉን ምንም አልቀራቸውም። ውሾን ያነሳ ውሾ ይሁን እንደሚባለው የትናንቱን ረስተን ወደ ወደፊት እንሂድ ያለን ህዝብ የዛሬ ጥፋታቸውን እንዲያርሙ ሊነገራቸው ሲሞከር ትናንት የሰሩትን “ገድል” ሊሰብኩን ይዳዳቸዋል። ህወሃትም የአስራ ሰባት ዓመት ገድልና የስልሳ ሺህ መስዋዕት ለሃያ ሰባት ዓመት ሰብኮ አልጨረሰውም። አላሳመነንም። ከህዝብ የተደበቀ መስዋዕት ሆነ ወንጀል የለም። አንበሳ ጦጣን “ነይ ውረጅ አልበላሽም” ሲላት “አልበላሽምን ምን አመጣው?” ብላለች። “ትናንት ይህን አድርገናል” የሚል የውለታ ጥያቄ የዛሬን ስህተት አይሸፍንም።

አብይ ሆይ ያለምንም ዋስትና ከሰንሰለት የለቀቅከው ኦነግ ዛሬ ህዝብና አገር እያደማ ነው። አንተንና ጓዶችህን ለመብላት እንደማይመለስ ልቦናህ ያውቀዋል። የጊዜ ጉዳይ ነው። ትናንት በአንቀልባ እሹሩሩ የተባለው ኦነግ ዛሬ በመግዘፉ አንቀልባውን በጥሶ አዛዩን ሊያጠቃ ምንም አልቀረውም። አዝሎት ያመጣውን ያጠፋ እነደሆነ እንጂ ኢትዮጵያና ህዝቧ ራሳቸውን ለመጠበቅ ይገደዳሉ።

5 comments

  1. very good analysis. i agree 100%

  2. I like your article and agreed 100%. Any specific tribe who believes Addis Ababa is theirs, then that tribe is ‘SINFEGNA’ period !! Our great city belongs to everyone and benefiting all the tribes of Ethiopia. NOT A SPECIFIC group or tribe. Every Ethiopian should be allowed to live and work anywhere within our border of the country!!

  3. What is going on?

    What I heard and the video I saw on youtube by Mereja TV, broadcasted by Abebe Belewe last weekend was hard to believe that happened in Ethiopia. Who are these people, terrorizing citizens and looting a church? I couldn’t believe my eyes to see this kind of evil spirits people in Ethiopia. Is there really a government who has concerned for the security of people in Ethiopia? Where did these Oromo language speaker mobs come from? What is next and where are we going to? I don’t have any answer that is why I keep asking. When do we go to stop all these disorder acts of evil? How do we have to react against this wickedness? Who is behind this disgusting act?
    It seems to me the situation is out of control because there is no actual government who is acting for the safety of the people. Actually, how do we expect safety and protection while we are in a mess of so-called ethnic federalism and Behere Beheresebe Constitution, which was a time bomb purposely structured in the country for the benefit of merciless individuals and ethnic party groups, who have no compassion for humanity, but language based identity. These cruel group of people are only focusing on their power trust and money and have no moral value for any humankind. These people are also don’t care about the suffering of the people; as if like they are different and carried an extra life they are only worried about themselves of greediness. One thing that bothers me is those poor individuals who are blindly following the acts of evil and willing to be instrumental for the vindictive ideology of ethnic-based individuals and groups. Those who are following and doing the dirty job for the ultimate goal of the cruel ethnic centered political groups need to wake up and act like a human otherwise they should know that they are digging their own grave; I am pretty sure that they are not going to continue as a right hand of the autocrats forever by doing what they are doing right now because the dictators want the followers until they full fill their goal and ones they control everything they can choose a few for their guard and ditch the rest, so then the blind followers also test the ruthlessness action of the tyrants as well.

    GOD BLESS THE ETHIOPIAN PEOPLE AND ETHIOPIA!!!

  4. I enjoyed your analysis. I would like to underline, we must organize to do anything.
    I believe most people understand the problem. WHAT IS TO BE DONE? is the big question
    you stated the problem and possible solutions, but where should we start? I think we must organize very well.
    Thanks again
    LONG LIVE DEMOCRATIC ETHIOPIA FOR ALL!!!

  5. Wow!!!! you heat it on the head, I never seen best analysis like this in years!!!!

Comments — What do you think?