Home » ጦማሮች እና አስተያየቶች » የአዲስ አበባ ባለአደራ ምክርቤት፤ ወደ ኢትዮጵያ ባለአደራ ምክርቤት ይደግ

የአዲስ አበባ ባለአደራ ምክርቤት፤ ወደ ኢትዮጵያ ባለአደራ ምክርቤት ይደግ

ከልጅ ተክሌ፤ ቶሮንቶ፤ መጋቢት 21፤ 2011

Statement from 9 Ethiopian coalition parties

  • አብይና ጓደኞቹ፤ የዛሬ አንድ አመት ከአዘቅት አውጥተውናል፡፡ አሁንም ከአብይ የተሻለ አሻጋሪ ማግኘት ይከብዳል፡፡ አብይን፤ ስልጣን ከያዘ ጀምሮ ለሰራልን ነገር ሁሉ አመስግነን አንዘልቀውም፡፡ ያ መልካም ስራው ግን ወደመቀመቅ እንዲከተን አይፈቅድለትም፡፡ አንደኛ፤ አብይ ኢህአዴግ ነው፡፡ ሁለተኛ፤ አብይን ጊዜ እንስጠው ብለን፤ ወዲህም አቅም አጥሮን እንጂ፤ ኢህአዴግ ከዚህ በኋላ ይቺን አገር ያለምርጫ ለአንድም ቀን መምራት አይገባውም ነበር፡፡
  • የዛሬው አብይ በእስክንድር ነጋ ላይ የወሰደው እርምጃ፤ ማለትም፤ የአዲስ አበባና የፌደራል ፖሊሶች የእስክንድርን የራስ ሆቴል መግለጫ የከለከሉበት ሂደት፤ በፍጹም ተቀባይነት የሌለው፤ ህገወጥ ድርጊት ነው፡፡ ለሕገመንግስቱ ብቻ የሚታዘዝ ፖሊስና ሰራዊት እናፈራለን ብሎ ቃል የገባልን አብይ፤ አመት ሳይሞላው፤ ከቤተመንግስቱ ጥቂት እርምጃዎች ርቀት ላይ፤ እንዲህ አይነት አይን ያወጣ የመብት ጥሰት ሲፈጸም፤ እሱ አያውቅም ማለት ይከብዳል፡፡ አብይ ያውቃል፡፡ የንጉሱ ጥላሁን ቃለምልልስም ያንን ያረጋግጣል፡፡ ባለፈው ሳምንት አብ የተናገረው፤ ጦርነት እንገባለን ዛቻም ያሳብቅበታል፡፡
  • በዛሬው የአብይ አካሄዱ፤ እስክንድር ነጋ እንደውም የአዲስአበባ ባለአደራ ምክርቤትን፤ ወደኢትዮጵያ ባለአደራ ምክርቤት ማሳደግ አለበት፡፡ ምክንያቱም የዛሬው የአብይ ስራ የአዲስ አበባን ብቻ ሳይሆን፤ የኢትዮጵያን እጣ ፈንታም እንድንጠይቅ፤ ሰውን ሳይሆን ፤ ስርአትን፤ ሰውን ሳይሆን ተቋምን እንድናምን አስታውሶናል፡፡ ምክንያቱም፤ ተቋም እንደሰው አይዋዥቅም፡፡ ተቋም እንደሰው አያኮርፍም፡፡ ተቋምም እንደሰው አይቆጣም፡፡ ተቋም እንደሰው ድርብ ሚዛን አይጠቀምም፡፡ አጠናና ቆንጨራ ታግሰን፤ መሀል አዲስ አበባ ላይ፤ በይረባ ሰንካላ ምክኛት፤ ጋዜጣዊ መግለጫ መከልከል፤ አይመስጥም፡፡
  • አብይ ወጣት ነው፤ ቅን ይመስላል፤ አፉም ቅቤ ነው፤ ላለፉት ለተሰሩት ጥፋቶች ሀላፊነት ስለተወሰደ፤ እንደገረፉ እንዳሰሩ ስለተናገረ፤ ቢያንስ ቀርቦ ስላዳመጠን፤ አገራችን እንድንገባ ስላደረገ፤ የታሰሩትን ስለፈታ፤ እስኪ ጊዜ እንስጠው ብለን እንጂ፤ ኢህአዴግ ይህቺን አገር ለመምራት ምንም አይነት የሞራልም የህግም መሰረት የለውም፡፡
  • አብይ ካለፈው አዘቅት ስላወጣን ብናመሰግነውም፤ ወደሌላ መቀመቅ ሲከትን ዝም ብለን እንመለከታለን ማለት አይደለም፡፡ የእስክንድር መግለጫ መከልከል፤ ሌላ መቀመቅ አለ የሚል ጥያቄ ይጭራል፡፡ አብይ ብዙ ችግሮችን የመፍታቱን ያህል፤ አንዳንድ ችግሮችን ፊት ለፊት ለመጋፈጥ ባለመድፈሩ፤ ለኢትዮጵያ የሚያሳድራቸው ችግሮች ቁጥርም ቀላል አይደለም፡፡
  • የእስክንድር ንቅናቄ ደጋፊ አይደለሁም፡፡ እንደውም ወደኋላ ስቃኝ፤ ያኔ ስድስት ኪሎ እያለን፤ እስክንድር አማራው ታሪክ ይሰራል፤ የአማራው ጉባኤ፤ ምናምን እያለ የሚጽፋቸው ነገሮች አይመቹኝም ነበር፡፡ ይሁን እንጂ፤ እስክንድር፤ አይደለም በርግጥም ሕገወጥ የሆነውን የታከለ ኡማን መንግስት፤ ራሱንም አብይንም፤ መንግስት ለመሆን ማንዴት የለህም፤ በፍትሀዊና ነጻ ምርጫ አልተመረጥክም፤ ብሎ ለመቃመው መብት አለው፡፡ ባለአደራ ምክርቤትም ይበለው፤ ባለአደራ ማህበር፤ ለቆመለት አላማ በሰላማዊ መንገድ የመቀስቀስ፤ የማደራጀት፤ የመንቀሳቀስ መብት አለው፡፡ አሁን እንደሚያደርገው በሰላማዊ መንገድ ብቻ፡፡
  • አብይ፤ ኢህአዴግ ምርጫ ቦርድ፤ ኢህአዴግ ታዛቢ፤ ኢህአዴግ መንግስት፤ ኢህአዴግ ተወዳዳሪ፤ ሆኖ ብቻውን ተወዳድሮ ባሸነፈበት ምርጫ ተመርጦ፤ የእስክንድርን ባለአደራ ምክርቤት የምርጫ ሂደት ሊተች ምንም አይነት ሞራል የለውም፡፡ ለዚያውም ኢህአዴግ፡፡ እስክንድር ትግሉን፤ ሕግን በጠበቀ መልኩ፤ ባሻው መልኩ ሊያዋቅር ይችላል፡፡ በየክፍለከተማው፤ የወረዳው፤ ሀምሳ ኮሚቴ አደራጅቶ፤ የአዲስአበባዊያንን ጥቅም ለማስጠበቅ፤ ታከለን አይደለም፤ ኢህአዴግን ለመገዳደርና ለመጎትጎት ይችላል፡፡ የባለአደራ ምክርቤትን፤ በግድ ጠምዝዞ፤ ባለአደራ መንግስት ብሎ በመተርጎም፤ ለመምታት ማሰናዳት፤ ማምታታት ነው፡፡ ብርሀኑ ነጋም ምን ነክቶት እዚህ ጨዋታ ውስጥ እንደተሰነቀረ እንጃ፡፡ ብርሀኑ፤ አሁን የእስክንድርን ልብ አጥቶት ነው፡፡
  • ይሄ የአብይ የዛሬው እርምጃ፤ እግረመንገድ አንዳንድ ነገሮችን እንድዳስስ አስታውሶኛል፡፡ አብይ፤ እንደመሪ፤ በቀጥታ ፊት ለፊት ተጋፍጦ ሊቋጫቸው ወይም መፍትሄ ሊያበጅላቸው የሚገባውን ነገሮች፤ በቃላት ሸንግሎ፤ በጸሎት፤ በመልካም ንግግር ለማጥፋት ይተጋል፡፡ ይሄ “prosperity gospel” ተሸንቅሮበት፤ እነዚህ የSelf-help መታህፍትን ጠጥቶ መሰለኝ፤ ብዙ ነገሮችን በቃል ያድናል ቃል ይገድላል፤ እና በፍቅር ያሸንፋል መፈክር ማለፍ ይፈልጋል፡፡ እንደውም አንዳንዴ፤ አብይ፤ ከመድረክ ላይ በሚለቀቁ ረጃጅም ስብከቶች አገር የሚድን ይመስለዋል፡፡ የኢትዮጵያ ችግር፤ እንደዚያ ድነሀል፤ አልጋህን ተሸክመህ ሂድ እንደተባለው የአመታት የአልጋ ቁራኛ የሚፈታ አይደለም፡ አብይ እንደዚያ ያስባል፡፡
  • አንዳንድ ነገሮችን፤ You cannot wish it away. ወይም ድሮ ኢህአዴግ እንደሚያደርገው በግምገማ፤ የተወሰኑ ካድሬዎችን ሰብስቦ በመገሰጽ አይጠፋም፡፡ ችግሩ አለ፡፡ ፊት ለፊት መጋፈጥ ያስፈልጋል፡፡ የጌዴዮ ቀውስ፤ በአማራውና በትግራይ ክልል መካከል ያለው ውጥረት፤ የአዲስ አበባ ጉዳይም፤ በአፍና መልካም ንግግር ብቻ በመናገር እንደሚጠፉ ማሰብ መሪነት አይደለም፡፡ ፈሪነት ነው፡፡ ብዙ አስደናቂ ነገሮችን ያደረገው አብይ ትልቁ ድክመቱ፤ አንዳንድ ወሳኝና አጨቃጫቂ ነገሮችን፤ በጸሎትና በመልካም ምላስ ብቻ የምናልፋቸው አድርጎ ማሰቡ ነው፡፡ አንዳንዶቹ ነገሮች በንግግር ብቻ አያልፉም፡፡
  • አብይ ባለፉት ሁለት ንግግሮቹ ላይ ትልልቅ ፋውሎችን ሰርቷል፡፡ ለምሳሌ ስለጌዴዎ የተናገረው ስህተት ነው፡፡ የራሱ ሚኒስትር፤ ወ/ሮ ሙፈሪያት፤ ምግብ መንገድ ላይ ተዘርፎ ለተጎጂዎች ሳይደርስ ቀርቷል፤ ይመረመራል ብላ አምና፤ እሱም ራሱ ያንን አረጋግጦ ተናግሮ ነበር፡፡ እንደና ጥቂት ቀናት ቆይቶ፤ አንድ ሰው ነው የሞተው፤ በፎቶሾፕ ምስል ሰርተው እያለ፤ የመቶሺሆችን መፈናቀል ማሳነሱና ስላቅ መናገሩ ትክክል አይደለም፡፡ በእሱ መንግስት ስር ስለተፈናቀሉ ሰዎች፤ የተናገረው ፕሬዚዳንቱ ሙላቱ ተሸመ፤ በ1992 ምርጫ ክርክር ግዜ ይመስለኛል፤ ከተናገሩት ጋር ይመሳሰላል፡፡ አንዱ ተቃዋሚ፤ ኢትዮጵያ በድህነት ከዓለም 177ኛ ምናምን ወጥታለች ብሎ ሲከራከር፤ ማስትካከያ ብለው፤ በግድ እጅ አውጥተው፤ የለም 169 ነን አይነት ነግግር፡፡ (ቃል በቃል አላስታውሰውም) አሁን፤ የተነፋቀለው፤ 3 ሚሊዮን ሆነ 2.5 ሚሊዮን፤ ለውጥ ምን ያመጣል፡፡ እዚህ ላይ አብይን ኢህአዴግነቱ አሸንፎታል፡፡
  • ስለእስክንድር የተናገረውም፤ ያመለጠውና የአብይን ክፉ ጎን ያሳየ የተሳሳተ ንግግር ነው፡፡ ባንድጊዜ ከፍቅር ሸንፋል ንግግር ወደ ጦርነት እንገባለን ማስፈራሪያና ዛቻ መውረድ አስደንጋጭ ነው፡፡ እስኪ ይሁን፤ ፈረንጆቹ እንደሚሉት፤ እስኪ እድል እንስጠው፤ ከኛ የተሸለ እውቀትና መረጃ አለው፤ ፈረንጆቹ እንደሚሉት The benefit of the doubt እንስጠው ስንል፤ ዛሬ በእስክንድር ላይ የወሰደው እርምጃ አስደንግጦናል፡፡ አስቆጥቶናልም፡፡ መታረም አለበት፡፡ መደገምም የለበትም፡፡ ይባስ ብሎ ደሞ፤ ቃል አቀባዩ ንጉሱ ጥላሁን የሰጠው ማስተባበያ አይሉት ማብራሪያ፤ የበለጠ አናዳጅ ነው፡፡ ራስ ሆቴል የጸጥታ ስጋት ካለ፤ የተቀረው አገሪቱማ በፈጣሪ እርዳታ ነው ያለው፡፡ የንጉሱ ጥላሁን ማብራሪያ፤ ቀሽም ነው፡
  • የዛሬው የአብይ እርምጃ ያሳየን፤ የአዲስ አበባ ባለአደራ ምክርቤት ብቻ ሳይሆን፤ የኢትዮጵያ ባለአደራ ምክርቤት እንደሚስፈልገንም ነው፡፡ አብይ እንደግለሰብ መልካም ሰው ቢመስልም፤ አብይ ኢህአዴግ ነው፡፡ ኢትዮጵያን ራሱ እንደድርጅት አደራ የያዘው፤ ላለፉት 28 አመታት አደራውን ቀርጥፎ የበላ መንግስት ወይም ፓርቲ ነው፡፡ እንደታሪክ አጋጣሚ ሆኖ አብይ የዚያ መንግስት አናት ሆኗል፡፡ ዛሬ በፖሊሶች በኩል የወሰደውና፤ በአብይ ቃልአቀባይ የተረጋገጠው እርምጃ የሚያሳየው፤ አሁንም ቢሆን ስልጣን በሕግና በስርአት ካልተቀየደ፤ ሊያማስን እንደሚችልና፤ የአብይም ኢህአዴግ ያው ኢህአዴግ እንደሆነና ለአደራ እንደማይበቃ ነው፡፡
  • አብይ ሆ፤ ስላደረግክልን ሁሉ እናመሰግናለን፡፡ ከአዘቅት ስላወጣከን ግን ወደ መቀመቅ ስትወስደን እንቀበላለን ማለት አይደለም፡፡ አዲስ አበባ አይደለችም፤ ኢትዮጵያም የምር ባለአደራ ምክርቤትና ባለአደራ መንግስት ያስፈልጋታል፡፡

One comment

  1. What we see is unacceptable action by ABEYE AHMED watchdogs. Actually, the police officer said ‘YEBELAYE AKALE’ who is this YEBELAYE AKALE? Eskendere and his friends are representing the Addis Ababa people, so who is YEBELAYE AKALE beyond the majority of the people who live in Addis Ababa? To me there is no one in that city above the people who live in it.
    I heard from some individuals, those who gave their approval for ‘Yebaleadera’ group are only ten thousand and a little above, but what they don’t realize is there was no enough room in the meeting hall for millions of Addis Ababa people to participate. So the tens of thousands of people, who came to the area, are more than enough to represent the city and that is because of the accommodation of the place and the meting hall. Other than that I am sure the majority of Addis Ababa people have learned the scam of Abeye Ahmed and Megersa using Ehiopianism words to fool the people to full fill their evil goal of Oromo Medieval age mentality. Actually from now on in whatever way, if the two Can Artists came out and say any kind of words to the people to build up back their acceptance again, I am pretty sure the people never and ever tricked by words.
    The EPRDF government, led by OPDO and OPDO chairman is not representing the Ethiopian people, and have no right of make any kind of political decision for the country. Instead their job should be create a secured situation for the people to form the Transition Government to takeover the power by the people; to do that they need to make us a favor by stopping the ethnic based (those who came out against people with machete and stick with nails in it) disturbance of people and displacement of people from their own country. So the Job of Abeye Ahmede and his evil group should be the above and cooperate with the people of Ethiopia to create their own people institution and then EPRDF removed from power and replaced by Transition Government. The question of forgiveness and justice will come after that not by Abeye and his evil EPRDF.

Comments — What do you think?