Home » ዜና » ኦነግ ቀውስ መፍጠሩን ቀጥሏል፣ አቶ ዳውድ ኢብሳ ኦነግ ትጥቅ አይፈታም ብለዋል

ኦነግ ቀውስ መፍጠሩን ቀጥሏል፣ አቶ ዳውድ ኢብሳ ኦነግ ትጥቅ አይፈታም ብለዋል

Dawd Ibsa, Oromo Liberation Front (OLF) leader.

(ECADF) — የኦሮሞ ነፃነት ግንባር (ኦነግ) መሪ አቶ ዳውድ ኢብሳ ከዋልታ ቴሌቪዥን ጋር ባደረጉት ቃለ-ምልልስ:-

“ኦነግ ወደ ሀገር ቤት የገባው ከኢትዮጵያ መንግሥት ጋር ትጥቁን ፈትቶ በሰላማዊ መንገድ ለመታገል ነው ተብሎ የሚነገረው መሰረት ቢስ ወሬ ነው ። እኛ ትጥቅ እንድንፈታ የተስማማንበት ስምምነት የለም ። የታጠቀው አካል ትጥቅ ይዞ እያለ እኛ ትጥቅ የምንፈታበት ምክንያት አይኖርም።”
ትጥቅ ፈቺም አስፈችም የለም ሲሉ አክለዋል።

ሁኔታው በኢትዮጵያውያን ዘንድ ከፍተኛ የመነጋጋሪያ አጀንዳ ሆኗል።

ኦነግ ወደ ኢትዮጵያ ከገባ ጀምሮና ካዛም ቀደም ብሎ በሀገሪቱ የተለያዩ አካባቢዎች የታጠቁና “በኦነግ ስም” ይንቀሳቀሳሉ የተባሉ ቡድንኖች እየፈጸሙ ባሉት ጥቃቶች ሀገሪቱን ከፍተኛ አለመረጋጋት ውስጥ ከተዋት ይገኛሉ።

  • በሱማሌ ክልል እና ኦሮሚያ ክልል አዋሳኝ አካባቢዎች የታጠቁ የኦነግ ወታደሮች ከሱማሌ ክልል ልዩ ሃይል ጋር በየጊዜው በሚፈጥሯቸው ግጭቶች ከ1 ሚሊዮን በላይ ዜጎች ተፈናቅለዋል።
  • በደቡብ ክልል (በጌዲዮ ዞን) የኦነግ ታጣቂዎች በተደጋጋሚ በሚወስዷቸው ጥቃቶች በመቶ ሺዎች የሚቆጠሩ ዜጎች ተፈናቅለዋል።
  • የኦነግ ታጣቂዎች ሰሞኑን አራት የቤኒሻንጉል ጉምዝ ክልል ባለስልጣናት ከኦሮሚያ ባለስልጣናት ጋር ውይይት አድርገው ሲመለሱ ተኩስ ከፍተው ገድለዋቸዋል። ይህንንም ተከትሎ በርካታ ዜጎች ሲገደሉ በመቶ ሺዎች የሚቆጠሩ ተፈናቅለዋል።
  • በመስቀል አደባባይ ጠ/ሚ አብይ አህመድን ለመግደል የተደረገውን ሙከራም “በኦነግ ስም” የሚንቀሳቀሱ ግለሰቦች እንዳደራጁት የመንግስት አቃቢ-ህግ ገልጿል።
  • ኦነግና ከኦነግ ጋር የተባበሩ ሌሎች በኦሮሞ ስም የሚንቀሳቀሱ ድርጅቶች አንድ ላይ በመሆን በነጻ ሚድያነት የሚንቀሳቀሰውን የኢትዮጵያ ሳተላይት ቴሌቪዥን እና ሬድዮን (ኢሳት) በኦሮሞ ህዝብ ጠላትነት ፈርጀዋል። የኢትዮጵያ ብሄረሰቦች ለዘመናት በኢትዮጵያዊነት ተፋቅረው እና ተዋደው የሚኖሩባትን የሀገሪቱን መዲና አዲስ አባባ “የኦሮሞ” ነች ሲሉ መግለጫ አውጥተዋል።
  • የኦነግ መሪዎች የኢትዮጵያን ህዝብ ላለፉት 27 አመታት አፍነው ሲገዙ ከነብሩት ህወሃች ጋር የመሰረቱት ግንኙነት በስልጣን ላይ ላሉት ጠ/ሚ አብህይ አህመድ እና ለመላው የኢትዮጵያ ህዝብ የሚያሰጋ ሆኗል።

የመንግስት ባለስልጣናት በበኩላቸው ኦነግን በሃይል ትጥቅ ለማስፈታት፣ የሚደፍሩ አልሆኑም ይልቁንም ኦነግ ሰራዊቱን ትጥቅ እንዲያስፈታና ወታደሮቹንም ወደ ካምፕ እንዲያስገባ በመማጸን ላይ ናቸው።

ኦነግ በሀገሪቱ ኹከት መፍጠሩን ቀጥሏል። አዲሱ የዶ/ር አብይ አህመድ አስተዳደርም ኦነግ የሚፈጥራቸውን ቀውሶች በቁጥጥር ስር ማዋል ባለመቻሉ ደካማ ሆኖ እንዲታይ ሆኗል።

የዶ/ር አብይን አስተዳደር በግልጽ የሚቃወሙት የህወሃት ሰዎች በጎን ኦነግን እያበረታቱ እና እየደገፉ መልሰው ደግሞ የዶ/ር አብይን አስተዳደር “ሁኔታዎችን መቆጣጠር አልቻሉም” በማለት ይከሳሉ። አልፈው ተርፈውም በድህረገጾቻቸው አማካኝነት ዶ/ር አብይ አህመድ በሀገሪቱ ሰላም ማስፈን ባለመቻላቸው ከስልጣን እንዲለቁ ቅስቀሳ ያካሂዳሉ።

ዶ/ር አብይ አህመድ በአሁኑ ወቅት ከፍተኛ ህዝባዊ ድጋፍ አላቸው። ይሁንና የህዝቡን ሰላም እና ደህንነት ማረጋገጥ ካልቻሉ ህዝብ የሰጣቸው ድጋፍ ቀስበቀስ ሊቀንስ እንደሚችል ለመገመት አያዳግትም።

2 comments

  1. Can any way one, especially from the students movement tell us ‘Dawud’ real name? Some say his real name is Frew Maichew Gidey. Dawud is his fake name. It will clear lots of cloud in Ethiopia.

  2. This report is lopsided in its view and inadvertent or other wise glorifies the OLF.
    Not only I questioned some of the points that they were not the works of OLF,for instance #1 and # 4 in particular.The skirmishes of last year along the Harer border was a result of a fight between the Somalia special force and the oromo police,not OLF.

    Point number #4 the link between some of the individuals of the said assassins at Meskle Square to have been as OLF members is not a credible report. There are other actors behind the assassination plot that INSA the security ,and the police refuse to make it public.

Comments — What do you think?

Click here to connect!