Home » ዜና » ዶክተር አብይና ወቅታዊው የሕዝብ ስሜት (ደረጀ ሀብተወልድ)

ዶክተር አብይና ወቅታዊው የሕዝብ ስሜት (ደረጀ ሀብተወልድ)

ደረጀ ሀብተወልድ

Ethiopian PM Abiy Ahmed with historical Ethiopian flag at the background.

Ethiopian PM Abiy Ahmed with historical Ethiopian flag at the background.

ከአዲስ አበባ በተጨማሪ በተንቀሳቀስኩባቸው የአማራ ክልል ከተሞች በሙሉ፣ ሕዝቡ ለዶክተር አብይ ያለው ፍቅርና ድጋፍ በጣም የሚገርም ነው። ከባጃጅ እስከ አውቶቡስ፣ ከጋሪ እስከ ሲኖትራክ፣ ከተራ ጉሊት እስከ ትላልቅ ሆቴል ድረስ የዶክተር አብይ ፎቶ ያልተለጠፈበትን ቦታ ማየት አይቻልም።

“ይህን ያህል ድጋፍ በኦሮሚያ ክልል ውስጥስ ይኖራቸው ይሆን?” ብሎኛል – ነገሩን እንደ እኔ ያስተዋለ ወዳጄ።

ይህ የሚያመላክተው ሀቅ ቢኖር፣ ዶክተር አብይ ከተከተሉት የኢትዮጵያዊነት መንገድ በተጨማሪ – እነ አቶ ገዱ አንዳርጋቸው የክልላቸውን ሕዝብ ለለውጡ ቁርጠኛ እንዲሆን በማድረግ በኩል በቅንነት ተግተው መንቀሳቀሳቸውን ነው።

እውነት እናውራ ካልን፣አሁን አሁን የዶክተር አብይ ጅምር የለውጥ ጉዞ አደጋ የተደቀነበት -ከህወሓት በበለጠ በጽንፈኛ የኦሮሞ ፖለቲከኞችና አክቲቪስቶች ነው።

ከማንም በላይ ለውጡን በማገዝ በኩል ተስፋ የተጣለባቸው እነዚህ ወገኖች ፣ዋነኞቹ የለውጡ ጎታቾችና እንቅፋቶች ለመሆናቸው ፣ከአገባባቸው ጀምሮ እስከ ቤንሻንጉሉ ግድያ ድረስ እየፈፀሟቸው ያሉት አሳዛኝ ድርጊቶች ምስክሮች ናቸው።

ከዛሬ ነገ ያሻሽላሉ ብለን በዝምታ ብናልፋቸውም፣ እያደር እየባሰባቸው እንጂ እየተሻሻሉ አልመጡም።

“ድሉ የኛ ብቻ ነው፣ ዘመኑም የኛ ነው” በማለት አሰፍስፈው፣የተነሱት አክቲቩስት ተብየዎቹም፣ በተግባር ትርምስና ግጭት በመፍጠር ለውጡን እየጎተቱ እና በጎን ከተሸናፊዊቹ የህወሓት ሰዎች ጋር ሴራ እየሸረቡ ፣በአፋቸው ላይ ላዩን ” ለውጡን ለመቀልበስ የተነሳችሁ አይሳካላችሁም” በማለት መደለልን( መሸወድን) እንደ ዘዴ የያዙት ይመስላሉ።

“የት ይደርሳሉ? “የተባሉት ፖለቲከኛ ተብዬዎቹም ” አዲስ አበባ የኛ ንብረት ናት” የሚል ነገር እየጫሩ፣ አዚያው ላይ ” ኦሮሞንና አማራን ለማጣላት ነገር የምትጭሩ ተጠንቀቁ” የሚል የቀልድ መግለጫ በማውጣት ፣ ውዥንብር መፍጠርን መርጠዋል።

በሌላ በኩል “ይህ ሁሉ ሲሆን የዶክተር አብይ መንግስት ጠበቅና ጠንከር ያለ የማስተካከያ እርምጃ አልወሰደም” የሚል ጩኸት በየቦታው በርክቷል። ይህ ስሞታ አሁን አሁን በአዲስ አበባ ብቻ ሳይሆን ጠቅላይ ሚኒስትሩ ሰፊ ህዝባዊ ድጋፍ ባላቸው በአማራ ክልልም በስፋት መሰማት ጀምሯል። ብዙ አነጋጋሪና ዐይን ያወጡ ጥፋቶች እየተፈፀሙ ባለበት ወቅት ዶክተር አብይ ነገሮችን በቸልታ ማዬታቸው፣ ሕዝባዊ ድጋፋቸውን እንዳያሳጣቸው እሰጋለሁ።

ስለዚህ በአጥፊዎች ላይ ተገቢውን እርምጃ በመውሰድ መንግስታቸውን ይጠብቁ፣ ሕዝባዊ ድጋፋቸውንም ያጠናክሩ ዘንድ ምክሬን ለግሻለሁ።
በማባበልና በፍቅር መንገድ አንገራም ያሉትን :-

“ምከረው፣ምከረው፣ እምቢ ካለ መከራ ይምከረው” ሊሏቸው ይገባል።

2 comments

  1. Abiy esir betu simolabet sewun fetana, erasu afesa jemere endegena esir betun berasu esregna limolaw malet neww.

    Yemihret Awaju amstun bombun yafenedutn meskel adbabay abiyin lemegdel sewoch yasmiral? weyis yemihret awaju abiyin lemegdel yemokeren ayasmirim? ambageneninet yluwal yihe new .Abiy shiwoch hizbochin beamara beoromo begambella …. yegedelutin wetaderochin bemihret awaj marena . Erasun Abiyn lemegdel simokru kenebombachew yeteyazutin alememaru gud new. DOUBLE STANDARD IS NOT JUSTICE .

    MIHRET AWAJ FOR ALL!!!!

  2. Avery interesting and realistic information and observation !
    To my understanding, those leaders of the Lemma Team are in a very worrisome political position that begs for a well-determined and irreversible way of moving forwrd . The dilemma is the very hard choice to be critical and tough towards those extremely ethno-centric Oromo political groups and activists on the one hand, and to be determined enough to go ahead with the very collective, constructive and good for all political identity under the a democratic and civilized Ethiopia. I hate to say but I have to say that unless there is a breakthrough in this very huge and indispensable political identity of Ethiopiawinet, we must be seriously concerned about achieving what people are desperately aspiring for and struggling to get it done.

Comments — What do you think?

Click here to connect!
%d bloggers like this: