Home » ዜና » የሚያጠግብ እንጀራ ከምጣዱ፣ የሚያድግ ጥጃ ከገመዱ! (ልሳነ ግፉዓን ድርጅት)

የሚያጠግብ እንጀራ ከምጣዱ፣ የሚያድግ ጥጃ ከገመዱ! (ልሳነ ግፉዓን ድርጅት)

ልሳነ ግፉዓን ድርጅት

Bahir Dar rally for PM Abiy.

የኢትዮጵያ ህዝብ ከሩብ ምእተ አመት በላይ ለገጠመው የጭቆና፣ የምዝበራና፣ የሽብር ዘመን እልባት ለመስጠት ባደረገው መራራ ትግል የተጎናጸፈው አንፃራዊ ድል ከጅማሮው ተስፍ ሰጪ የሆነና በሂደቱም የለውጥ ፍሬ ማየት ከጀመረን እነሆ ጥቂት ወራትን አሳለፍን። በዚህም ኢትዮጵያ ሃገራችን እጅ ከወርች ከታሰረችበት የዘረኞች፣ የዘራፊዎችና፣ የጨካኞች አምባገነናዊ የአገዛዝ ሰንሰለት የመፈታቷና ወደ ፍቅር፣ ወደ አንድነት፣ ወደ እኩልነትና፣ ነፃነት የምታደርገውን ሰላማዊ የድል ጉዞ ብስራት ከሰማንና ማየት ከጀመርን እነሆ ዘጠና ቀናት ቆጠርን።

ይህ በህዝባችን ልብ ውስጥና በሃገራችን ሰማይ ላይ የሰፈፈው የፍቅር፣ የአንድነትና፣ የእኩልነት መንፈስ መሬት እንዲረግጥና ለሁላችንም የሚያጠግብ እንጀራ ከምጣዱ እንዲወጣ በህዝባዊና ዲሞክራሲያዊ መንግስት መመራትና በነፃና ገለልተኛ የዲሞክራሲና የፍትህ ተቋማት አማካኝነት መታገዝና መጠበቅ አለበት የሚል ፅኑ እምነት አለን። ይልቁንም ይህ ህዝባችን ለዘመናት የታገለለትና መጠን የሌለው መስዋዕትነት የከፈለለትን የዲሞክራሲያዊና ህዝባዊ መንግስት ምስረታ ትግል ዳግም በከንቱዎች እንዳይጠለፍና ዛሬም እንዳይኮላሽ የሁሉንም አስተዋይና አርቆ አሳቢ ዜጋ ሙሉ ድጋፍ፣ ቀጥተኛ ተሳትፎና፣ ያላሰለሰ ርብርቦሽ ያስፈልገዋል ብለን እናምናለን።

[ሙሉውን ለማንበብ እዚህ ይጫኑ]

ልሳነ ግፉዓን ድርጅት
ሐምሌ 5, 2010 ዓ.ም
ኦሃዮ/ሰሜን አሜሪካ

Comments — What do you think?

Click here to connect!