Home » ዜና » በአዲስ አበባ ስታዲዮም መብራት ምሶሶ ላይ ወጥቶ ሰንደቅ አላማ ሲያውለበልብ ያረፈደው ወጣት በቁጥጥር ስር ዋለ

በአዲስ አበባ ስታዲዮም መብራት ምሶሶ ላይ ወጥቶ ሰንደቅ አላማ ሲያውለበልብ ያረፈደው ወጣት በቁጥጥር ስር ዋለ

ማሳሰቢያ – ይህ ዜና ዘግይተው የደረሱ መረጃዎች ተጨምረውበታል

በአዲስ አበባ ሰቴዲየም በሚገኘው የፓውዛ መበራት ምሶሶ አናት ላይ ወጥቶ በለ አረንጓዴ፣ ቢጫና ቀዩን (ትክክለኛውን) የኢትዮጵያ ሰንደቅ አላማ ሲያውለበልብ ያረፈደው ወጣት በፖሊስ እና እሳት አደጋ ሰራተኞች ርብርብ እንዲወርድ ከተደረገ በኋላ ወደ እስር ቤት ተወስዷል።

ወጣቱ ያውለበልባቸው ከነበሩት ሰንደቅ አላማዎች በአንደኛው ላይ የተጻፈ ጽሁፍ ይታይ እንደነበር ጉዳዩን በቅርበት ሲከታተሉ የንበሩ ገልጸዋል። ይሁንና ከርቀት የተነሳ ጽሁፉ ምን መልእክት እንዳለው አንብበው መረዳት አልቻሉም።

ሁኔታው ከጊዜ ወደ ጊዜ የኢትዮጵያ ህዝብ በተለይም ወጣቱ በገዢው የህወሃት አስተዳደር ላይ እያሳየ ያለው ተቃውሞ እየጨመረ እንደሚሄድ ጠቋሚ ነው ተብሏል።

———–

በአዲስ አበባ ስታዲየም የመብራት ማማ ላይ ወጥቶ በሰላማዊ መንገድ ተቃውሞውን ያሳማው ሰው መምህር መሆኑን የኢትዮጵያ መምህራን ማኅበር (ኢመማ) ገለጸ፡፡

የመምህር ዋሲሁን አያኖ ድምጽ ይሰማ!!

መምህር ዋሲሁን አያኖ የመንግስትን አፈና በደል ተቃወመ፡፡አዲስ አበባ ስታድዮም በሚገኘው ፓውዛ ማማ ላይ ወጥቶ የኢትዮጵያ ሰንደቅ ዓላማ ሰቅሎ ለሰዓታት በማውለብብ መምህር ዋሲሁን አያኖ ተቃውሞን በሰላማዊ መንገድ የገለጸ ሲሆን በፖሊስ ልማና በክሬን ከወረደ በኋላ ወደ ፖሊስ ጣቢያ ተወስዷል፡፡ ሁሉም በሰላማዊ ትግል ተስፋ በቆረጠና የአመጽ ደጆች ብቻ በተከፈቱበት ሰዓት ዋሲሁን በከተማዋ እንብርት እንዲህ ባለ ሰላማዊ መንገድ የሁላችንም ድምጽ ስላሰማልንና መንገዱን ስላሳየነ እናመሰግናለን፡፡ ሁሉም ዜጋ ከጎኑ ሊቆምና የእሱን መንገድ ሊከተል ይገባል፡፡መንግስት በሰላማዊ መንገድ ተቃውሞን የገለጸውን መምህር ዋሲሁንን በአስቸኳይ እንዲፈታ እንጠይቃለን፡፡ መምህር ዋሲሁን አያኖ ድምጽ ይሰማ!!፡፡

Flag waver

Flag waver

Flag waver

Leave a Reply

Your email address will not be published. Required fields are marked *

*

Click here to connect!