“መለስ ስለሞቱ የስዬ ጎራዴ ወደ አፎቱ ”

September 20, 2012

Click here for PDF

አዜብ ጌታቸው

አቶ ስዬ አብርሃ በአቶ መለስ የቦናፓርቲዝም ስሌትና ማጣፋት ህይወታቸውን ለመስጠት ከቆሙለት ድርጅት መባረራቸው ሳይበቃ 6 ዓመታትን በዘብጥያ አሳልፈዋል፡፡ በኔ እምነትSiye Abraha former TPLF leadership member የአቶ መለስ አይራሬነትና ጭካኔ ከተገለጠባቸው በርካታ ውሳኔና እርምጃዎቻቸው አንዱና ዋንኛው ይህ በአብሮ አደግ ጓደኞቻቸው ላይ የወሰዱት ምህረት የለሽ እርምጃ ነው።

በወቅቱ በአቶ ስዬና ጓደኞቻቸው ላይ በደረሰው ነገር አብዛኛው ኢትዮጵያዊ ማዘኑን አስታውሳለሁ። በተለይ እነ አቶ ስዬን ለዚህ ያበቃቸው በኤርትራ ላይ ከአቶ መለስ ጋር የነበራቸው ልዩነት እንደሆነ ከታወቀ በኋላ የአቶ ስዬ ቡድን ተሸናፊ መሆኑ ኢትዮጵያዊውን ሁሉ አስቆጭቶ ነበር። ይህ ሁሉ አልፎ አቶ ስዬ 6 ዓመታትን በእስር ማቀው በመጨረሻም ነጻ ወጡ ተብሎ ሲለቀቁም ተደስተናል። የታሰሩት ትዕቢተኛው ስዬ እንደነበሩና የተፈቱት ግን የሰከነው ስዬ እንደነበሩም ትዝ ይለኛል። አቶ ስዬ ከእስር ከወጡ በኋላ እንደ ሌሎቹ ጓደኞቻቸው ጎመን በጤና ብለው መቀመጥን ሳይመርጡ ወደ ትግሉ ጎራ መቀላቀላቸውም በመታሰራቸው ያዘነውን ኢትዮጵያዊ አስደስቷል። የበለጠ ያስደሰተው ደግሞ ከአረና ትግራይ ይልቅ አንድነትን መቀላቀላቸው ነበር።በግዜው እኔም ይህንኑ ውሳኔያቸውን አወድሼ መጻፌን አስታውሳለሁ።

ይሁን እንጂ አቶ ስዬ አንድነትን ከተቀላቀሉ ብዙም ሳይቆዩ ነበር አካላቸው እንጂ አንድነትን የተቀላቀለው ልባቸው እዛው ህውሃት ውስጥ እንደነበር ያመላከተ አቋማቸውን የገለጹት። ቢቢሲ የዘገበውን ዶ/ር አረጋዊና አቶ ገብረመድህን አርአያ ሙሉ ለሙሉ ያረጋገጡትን ወ/ሮ አረጋሽ በከፊል ያመኑትን ለረሃብተኛ የመጣ እህል ዘረፋ አቶ ስዬ ሽምጥጥ አድርገው መካዳቸውን ያስታዉሷል።

  • የአቶ ስዬ የተልፈሰፈሰ የሰላማዊ ትግል ፍልስፍናም ቀልባቸው ከአንድነቱ ጎራ አለመሆኑን ያሳየ ሌላው ምዕራፍ ነበር፡፡
  • አቶ ስዬ ህዝባዊ አመጽ የሚለውን የሰላማዊ ትግል ዋናና ውጤታማ ስልት አጥብቀው ይቃወማሉ፡፡
  • አቶ ስዬ መከላከያ ሰራዊቱን በመንግስት ላይ እንዲነሳ መቀስቀስ ህገ መንግስቱን መጣስ ነው ብለው ይሞግታሉ፡፡
  • አቶ ስዬ የወያኔ ጀነራሎችንም ልናቅፋቸው ይገባል ሲሉ ይሰብካሉ።

ልብ በሉ አቶ ስዬ ለእርዳታ የመጣ እህል አልሸጥንም ብለው በመመስከር ህውሃት እንዲነካባቸው አለመፈለጋቸውን አረጋግጠውልናል። መከላከያ ሰራዊቱ በመንግስት ላይ እንዲነሳ መቀስቀስ ህገ መንግስት መጣስ ነው ብለው በትግራይ የበላይነት የሚመራውን መንግስት ውድቀት እንደማይሹ ገልጸውልናል። ጀነራሎቹን ልናቅፋቸው ይገባል ብለው ጓደኞቻቸው እንዳይነኩ ሰብከውናል።

እንግዲህ አቶ ስዬና መሰረታዊ ለውጥ ፈላጊው ወገን የጋራ ጠላት ሊሆን የሚችል ማን ቀረ ? ብለን ጥቂት ጣራ ጣራ እያየን ብንቆይ …መለስ ዜናዊ የሚለው ስም ግልጽ ብሎ ሊታየን ግድ ነው። ምክንያቱም መከላከያ ሰራዊቱን ከነጀነራሎቹ እንዲነካ ካልፈለጉ፤ ህገ መንግስቱ እንዲከበር ከፈልጉ፤ የድሮ ድርጅታቸው ስም እንዳይጠፋ ከፈለጉ፤ አቶ ስዬ የማይፈልጉት አቶ መለስን ብቻ ነው ማለት ነው።

ይህ በእንዲህ ቀጥሎ ቆይቶ፣ ሰው ያስባል ጌታ ይፈጽማል ሆነና በቅርቡ የአቶ ስዬና የሌላው ተቃዋሚ ወገን የጋራ ባላጋራ የነበሩት መለስ ዜናዊ ባልተጠበቀ ሁኔታ ተመልሰው ወደ ማይመጡበት አለም መሄዳቸው እውነት ሆነ። ይህ ማለት ደግሞ የአቶ ስዬ የትግል ጉዞ ተቋጨ ማለት ነው። በሌላ አገላለጽ ” መለስ ስለሞቱ የስዬ ጎራዴ ወደ አፎቱ”መሆኑ ነው።
ሰሞኑን ያረጋገጡልንም ይህንኑ ነው። አቶ ስዬ ጭራሽ በአቶ መለስ ሞት ተደስተናል ያሉ ወገኖችን ኢትዮጵያዊ ጨዋነታችንን ያልተከተለ አስነዋሪ ተግባር ፈጽመዋል ሲሉ ወቅሰዋል። አቶ ስዬ እነኚህ ወገኖች ምንም እንኳ ጥቂት ቢሆኑም ጥላቻን በማዛመት ከፍተኛ ጥፋት ሊያደርሱ ይችላሉ በማለት ወቀሳና ስጋት የቀላቀለ አስተያየት ሰጥተዋል።

እንዲያው አቶ ስዬን ልጠይቅ የምሻው ለመሆኑ ኢትዮጵያዊ ጨዋነትን ፤ ባፍጢሙ የደፋው ማነውና ነው ዛሬ ያገርዎ ልጅ ለዛውም በጠላትነት የፈረጁት ሰው ሲሞት ተደስተናል ያሉ ወገኖችን ወቃሽ የሆኑት?

ለመሆኑ ፕሮፌሰር መስፍንን የሚያህል በሺህ የሚቆጠር ዜጋ ያነጹ ውድና የሃገር ቅርስ የሆኑ የ76 አመት አዛውንት በማንም ውርጋጥ በሰደፍ እየተመቱ ዘብጥያ የተጣሉት ኢትዮጵያዊ ጨዋነታችን ፈቅዶት ይሆን?

ለመሆኑ በሞተው ወንድሙ ሬሳ ላይ ተንበርክኮ የሚያለቅስን ህጻን በጥይት በሳስቶ በሬሳ ላይ ሬሳ መደራረብ ኢትዮጵያዊ ባህል ነበርን?

ለመሆኑ ወራዳ ! ጨምላቃ! የበሰበሰ! ….የሚሉት አስነዋሪ ቃሎች በማን ይዘወተሩ እንደ ነበር ኢትዮጵያዊ ጨዋነታችን ተናደ ብለው የተቆጩት አቶ ስዪ ያስታውሱ ይሆን? እረ ስንቱን ልጥቀስ….

እናም አቶ ስዬ ሆይ! ከላይ የጠቃቀስኩዋቸው የባህል ጥሰቶች ብቻም ሳይሆኑ ግፎች ሲፈጸሙ የት ነበሩ? ያኔ ቃል ያልተነፈሱት ዛሬ በጭካኔ በትራቸው እርስዎንም ሳይቀር በዠለጡት መለስ ዜናዊ ሞት በተሳለቁ ሰዎች ማዘንዎ ከተለከፉበት የዘረኝነት በሽታ የመነጨ እንጂ ሌላ ምን ሊሆን ይችላል እንበል?

አቶ ስዬ በቅርቡ በሲያትል ባደረጉት ንግግር ግልጽ ያደረጉት ዋናው ነገር ከእንግዲህ በሰላማዊም ይሁን በትጥቅ ትግል የህውሃትን መንግስት ከስሩ ነቅሎ ለመጣል ከሚታገለው ወገን ጋር ምንም የጋራ ነገር እንደሌላቸው ነው፡፡

  • አቶ ስዬ በንግግራቸው ለ21 ዓመት የነበረውን ሰላም እንዲቀጥል ሲሉ ተደምጠዋል። በአቶ ስዬ አባባል ጦርነት እስከሌለ ድረስ ሁሉ ነገር ሰላም ነው።
  • በአቶ ስዬ አባባል ጦርነት እስከሌለ ድረስ ዜጎች ያለጥፋታቸው ለዘመናት በእስር መማቀቃቸው ኢሃዴግ ታግሎ ያመጣው ሰላማዊ እስር በመሆኑ ወደፊትም መቀጠል አለበት።
  • አቶ ስዬ የሚሉን የባሩድ ጭስ ሰማዩን እስካልሸፈነ ድረስ ሰላማዊ ሰልፍ የወጡ ዜጎችን መረሸን ከሰላም ጋር ምንም ግንኙነት የለውም። ገዳዮቹም ሰላማዊ ገዳዮች ሟቾቹም ሰላማዊ ሟቾች ናቸው።
  • አቶ ስዬ እንደሚያስረዱን ባዙቃ እስካልተንተከተከ ድረስ 80 ሚሊዮኑን ህዝብ ለድህነትና ለርሃብ አጋልጦ የአንድ ዘር ውላጅ የሆነው አናሳ ክፍል በዘረፋና በምዝበራ ሃብት መሰብሰቡ ሰላማዊ ምዝበራ ስለሆነ እንደነበር እንዲቀጥል መታገል አለብን።

ቃል በቃል ባይሆንም አቶ ስዬ ህዝቡ ንብረቱን ማጣት ስለማይፈልግ መረጋጋትና ሰላም ይፈልጋል አይነት መልዕክት ያለው ነገር ተናግረዋል፡፡

እንደኔ ግምት አቶ ስዬ ህዝቡ ሲሉ የትግራይን ሕዝብ ማለታቸው ነው፡፡ ምክንያቱም በመጀመሪያ ደረጃ ንብረቴን እንዳላጣ ብሎ ሊሰጋ የሚችለው ንብረት ያለው ህዝብ ነው። ስለዚህ ንብረቴን እንዳላጣ ብሎ የሚሰጋው፤ የሚልሰው የሚቀምሰው አጥቶ የሚሰቃየው የኢትዮጵያ ህዝብ ሳይሆን 21 ዓመት ዘርፎና መዝብሮ ንብረት ያከማቸ ህዝብ ነው።

በሲያትሉ ንግግራቸው በከፊል የግብረገብ አስተማሪ በከፊል የባህል ተቆርቋሪ በጨረፍታ ደግሞ የትግል ስትራተጂ ነዳፊ የመሰሉት አቶ ስዬ፤ ሱዛን ራይስን ከመንቀፍ ይልቅ ብንደግፋት ይሻል ነበር በሚል አርቆ አሳቢ ያስመስለኛል ያሉትን ምክር ቢጤም ሰንዝረዋል። በርግጥም ሱዛን ራይስን በመስደብ ወይም በመቃወም የሚገኝ ጥቅም ላይኖር ይችላል፡፤ ይሁንና አቶ ስዬ የሰጡት ምክር የአሜሪካ ባለስልጣናትን ሞገስ ለማግኘት ፈልገው ካልሆነ በስተቀር ሱዛን ራይስን በማወደስም ቢሆን ምንም ጠብ የሚል ነገር እንደሌለ እሳቸውም ያውቁታል እኛም እናውቀዋለን።

በደምላላው አቶ ስዬ ከመለስ በስተቀር ከቀሪው የወያኔ መንግስትና ባልስልጣናት ጋር ምንም አይነት ቅራኔ ስለሌላቸው በሲያትሉ ንግግራቸው ከዚህ በፊት በመጠኑም ቢሆን ያውግዙት የነበረውን የመንግስት ኢዲሞክራሲና ኢሰባዊ ተግባር ከማውገዝ ተቆጥበዋል። ይህ ደግሞ በራሱ የአቶ ስዬ ቀጣዩ እንቅስቃሴ ምንና ወዴት አቅጣጫ እንደሚሆን የሚጠቁም ይመስለኛል።

ሌላው ከአቶ ስዬ የአነጋገር ዘይቤ የተገነዘብኩት እራሳቸውን” ከኛ በላይ ስለ ትግልና ፖለቲካ ላሳር… አይነት እራስን አግዝፎ የማየት ስሜትን ነው። አላወቅሽ ….አሉ!
ባጠቃላይ ከላይ ለመግለጽ እንደሞከርኩት የአቶ ስዬ የተቃዋሚነት ጉዞ በአቶ መለስ ሞት ማግስት ተቋጭታል። አቶ ስዬ ትልቁ ጠላታቸው መለስ ነበሩ። ከእስር በኋላ ወደ ትግል የገቡበት አላማም በቀልን እንጂ የነጻነትና የዲሞክራሲን መከበር ያማከለ አልነበረም፡፤

የአቶ ስዬ 2 ዋና ዋና አላማዎች፦

1. ኛና ቀዳሚው አላማ መለስን ስልጣኑን አሳጥቶ መበቀል ከተቻለም ስልጣኑን መረከብ ነበር
2. 2ኛው በአንድነት ፓርቲ ውስጥ ግዙፍ ስልጣን ይዞ የትግራይ ተወላጆች ለ21 አመት በዘረፉት ሃብት ያገኙትን የኢኮኖሚ የበላይነት ሳይለቁ እንዲቆዩ ማድረግ ነው።ይህም ደግሞ

ህዝቡ ንብረቱን እንዳያጣ ስለሚሰጋ ሰላምና መረጋጋት ይፈልጋል ሲሉ አረጋግጠልናል።አቶ ስዬ አንድነት ፓርቲን የተቀላቀሉትም ለዋናው አላማቸው እንደ ስትራተጂ ለመጠቀም እንጂ አንድነትን አላማ አድርገው አለመሆኑን በንግግራቸው ቁልጭ አድርገው አሳይተውናል።

እኛም አውቀናል የዲሞክራሲ ናፋቂው ወገን አላማና የአቶ ስዬ አብርሃ አላማ የመሳ ለመሳ ቅራኔ ያለው መሆኑን ተረድተናል። ዲሞክራሲ ናፋቂው ወገን አቶ መለስ ኖረው መንግስታቸው ቢሞት ይመርጣል።አቶ ስዬ ደግሞ የሚሹት ተቃራኒውን ነው።ስለዚህ ለግዜው አቶ ስዬ ፌርማታቸው ላይ ደርሰው ወርደዋል። ከአሁን በኋላ አቋራጭ መንገድ ፈልገው ወደ ትውልድ ሰፈራቸው መግባት ነው። እኛም እስከ …..እንጓዛለን እንደርሳለንም።

ኢትዮጵያ ለዘላለም በክብር ትኑር
አዜብ ጌታቸው
azebgeta@gmail.com

Please LIKE our Facebook page - it makes us stronger:

12 Responses to “መለስ ስለሞቱ የስዬ ጎራዴ ወደ አፎቱ ”

  1. abe nebro Reply

    September 24, 2012 at 11:05 am

    lene ke Eseye meles yshalegnal. holetom le Ethiopia ayasfeligwatim. Meles be gilts ye Ethiopia telat new Eseye gin merzegna ebab new.. lemehono Ethiopiawian lemin alagelelotim? ke and kotetam weyane gar gizen mabaken asfelagim aydelem..yhe koshasha balege ,sory to say that sidibonim yastemaron eneso nachew..kiletamoch

  2. Zeleke Reply

    September 21, 2012 at 8:02 pm

    I am shocked with tone of discussion on this subject. How come we classify people who were part of TPLF as he couldn’t be descent citizen who was learned from his mistakes. I think this is unfair. We should have people from Tigre, Oromo, Agew, Afar etc to build future Ethiopia. I am in Ethiopia since I was born and opposition in Ethiopia including Medrek and others are not also running for peoples right. They are all immatures and fight for their personal advantage. My be some scholars like Dr Birhanu might make some difference if they get any slot back home by current government. Believe it or not Ethiopia will not be the country for one ethinic group dominance like Amara nor for Tigre in the future. Lets call everybody including Siye and other EPRDF leaders to think for one country which will let others to share their idea.
    Criticizing others because of their ethnic background and experience will not create new civilized Ethiopia.

  3. aemayehu Reply

    September 21, 2012 at 10:39 am

    Thank you so Mach azeb! This is very simplified and to the point article as usual. Seye main enemy was Meles. Period! Now he is gone! As far as seye concerned: Mission accomplished!

    Seya can never be a nationalist .Em Em That is not him! Time for his farewell ….

    This is as far as he could go with us. we thank him for being with us for the last ..years.Now, we expect him to submit his resignation letter to UDJ .

    Thanks azina for your outstanding piece!!!!!!!!!
    Thanks ECADF too.

  4. Bilisummaatv Reply

    September 20, 2012 at 8:54 pm

    Siye is sent here to U.S to fool some people who don’t really know who was Siye in the past,and today.Siye is here on tour sent by TPLF ruling class after the head of Snake cut off by God.Never trust Tigrays & Eritreans.

  5. Mura Murmura Reply

    September 20, 2012 at 7:29 pm

    Thank you Azeb
    I have never thought of Seye becoming democrat or Ethiopian nationalist. His people have looted the wealth of nation. All factories, Industries and farms belonging to Ethiopian government had been transfered to the property of Endowment fund for Tigria. IT, transport, Hotel and tourism , financial instittions, import , and export belongs to tigrai. What does Seye look from You and me? Say spade is spade. Who is he fooling? Why do people give him an opportunity to vomit? let him go back to Tigrai.

  6. Minyaregal Reply

    September 20, 2012 at 4:22 pm

    We are the fools as usual. Ebab yizo guzo. You don’t try to cross a river carryin a snake in your bossom.

    Are we repeating the same mistake, trusting the untrustables?

    Siye is no less a criminal than Meles. What a foolish thought we have that the jailing by a bigger criminal would cleanse a lesser criminal.

    Even when he was thrown out by the bigger criminal Meles, the smaller criminal was advocating for Tigrean nationalism, not for Ethiopian nationalism.

    He signed on the agreement to make Ethiopia landlocked and participated in all the criminal decisions of Woyane until his imprisonment.

    Never trust those that can never be trusted!

  7. Tenesa Reply

    September 20, 2012 at 1:50 pm

    Thanks Azeb for giving us such a powerful and scientific argument. You just made the “Siye Dilemma” very easy to understand.

    Now, the next question is how Medrek and UDJ are going to do in regard to Siya. No matter what they do next, right now they need to discuss with Siye about this debacle he has created on Medrek’s image.

  8. Muche Reply

    September 20, 2012 at 11:24 am

    ብራቮ

    ወቅታዊ እና ትምህርት ሰጭ ትንታኔ ነዉ
    እኔም ከዚህ በፊት ዋርካ ላይ ይህን በሚመለከት ጵፊ ነበር
    አንች እንዳልሸው ሰዉየዉ የግለሰብ ጥላቻ እንጅ የሪዎት አለም ጥላቻ የለዉም በጭራሸ!
    ግለሰቡ በመለስ ብልጥነት እና መበለጥ በጣም የሚናደድ ነበር እንደምንም ወንበሯን ይመኝ ነበር
    መለስም ይህን ስላወቀ በደንብ ከተጠቀመበት በኋላ በሙስና አሳቡ ከርቸሌ ወረወረው። ብዙዎቹ የወያኔ ደጋፊዎች ይወዱት እንደነበር ይነገር ነበር እሱም ያን ያውቅ ስለነበር አንደምንም የውያኔ መሪ መሆን ይፈልግ ነበር ያ አልሳካለት ሲል እራሱን ተቃዋሚ በማሰመሰል የወያኔን ካባ ልብሶ ተቃዋሚ ነን የሚሉትን ለመበታተን ተግቶ እየሰራ ነው።
    በጣም የሚያሳዝነው ግን ሕዝባችን ነው በንዚህ ወያኔዎች እሰከመቸ እየተታለለ(እየተሸወደ እንደሚኖር አይገባኝም?)።
    ሊላው ቀርቶ እሰካሁን ለሰራው መጥፎ ስራና ኢትዮጵያን ለማጥፋት በተደራጅ ድርጅት ውሰጥ ገብቶ መታገሉ ስህተት መሆኑን አውቆ ይቅርታ ያልጠየቀ ትቢተኛ ነው።
    እና ጎበዝ የሄ የትግራይ ነጻ አውጭ በሚገኝበት የሰብሰባ አዳራሾች እና መድረኮች በመገኝት የ ኢትዮጵያን ሕዝብ መበደሉን አውቆ ይቅርታ መጠየቅ እንዳለበት እና ከማንኛውም ስራ በፊት ይህን ማድረግ እንዳለበት ጫና መፈጠር አለባችሁ። ወያኔ መሆን በራሱ ወንጀል መሆኑን ማመን አለበት!

  9. semira Reply

    September 20, 2012 at 9:32 am

    thank you very much azeb I love it

    • Legesse Habtegiorgis Reply

      September 20, 2012 at 11:26 am

      You are correct sis.You have written the real objective of Siye.UDJ has to take emediate measure to expel out this person from the party .Enougn is enougn

  10. Sergute Selassie Reply

    September 20, 2012 at 7:23 am

    እግዚአብሄር ይስጥሽ እህቴ። ስንቱን ልጥቀሰው ብለሻል … እባክሽን ዘርዝሪው እመቤቴ! ትናንት እዬተረሳ ነው በቋሳ በተዳከመው ዛሬ ላይ ሆነን አስቀድሞ የከፋውን ነገን እምናስበው። እምንጠብቀው። እኔማ እግዚአብሄር ይመስገን አወድሼም አንድ ቃል ስላልጻፍኩ ጸጸት የለብኝም። ምክንያቱም አናቱ የገማ መሆኑን ስለማውቅ … እንዲሁም ጊዜያዊ ድለላ ዘላቂ መፍትሄ ሊሆን እንደማይችልም በጽኑ ስለማምን። የሚገርመኝ በአቶ ሰዬ ላይ የሴቶች አቋም ጠንከር ያለ እንደ ነበር በከርነቱ ዬፓልቶክ ውይይት አስታውሳለሁ … አሁን ደግሞ አንቺ በብዕር — ሸጋ ነው። አብዛኞች ሴቶች በትግል ህይወትም ሆነው እንደሚገኙ እርግጠኛ ነኝ። በርቺ … ድንግል ትጠብቅሽ።

  11. Askale Dama Reply

    September 20, 2012 at 5:48 am

    We Ethiopians are experiencing a severe case of PTFS, PTSF is a social psychological state characterized by Permanent Tigre Fatigue Syndrom. Please no more Siye, Tigre-Woyane, and Siye and Tigre, and Woyane. Let’s talk about the Revolution!!!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>