በጎ ምክር ለጓዶች (ተስፋዬ ገብረአብ)

September 8, 2012

ከተስፋዬ ገብረአብ

የኢህአዴግ የስልጣን ሽኩቻ ተባብሶ በመቀጠሉ የአመራር አባላቱ ዝግ ስብሰባ ላይ ስለመሆናቸው እየተሰማ ነው። ይህን ሽኩቻ ከህዝብ ጆሮ ለመሰወር ሲባል ስለ ኢህአዴግ ስራ

Tesfaye Gebreab Ethiopian author and writer

ተስፋዬ ገብረአብ

አስፈፃሚ ስብሰባ በቴሌቪዥን የተላለፈው ቀሽም ድራማ ነበር። የአመራር አባላቱ እጃቸውን እያወጡ ድምፅ ሲሰጡ በቲቪ ይታያል። በምን ጉዳይ ላይ ነው ተከራክረው በድምፅ ወሰኑት? አልተገለፀም። ከኢህአዴግ ነባር ልምድ አንፃር፣ ከስብሰባው በፊት ጋዜጠኞች ገብተው ምስል ቀርፀው እንዲወጡ እንደሚደረግ አውቃለሁ። ከዚያም በሮችና መስኮቶች ተዘግተው ስብሰባው ይቀጥላል።

ሆነው ሆኖ፣ የመለስ ሞት ከተጠበቀው ጊዜ ፈጥኖ የመጣ ነበርና ጓዶች ያልተዘጋጁበት ገጥሟቸዋል። መለስ ጷግሜ ላይ ወደ አገርቤት ተመልሶ ለእንቁጣጣሽ ዋዜማ የፖለቲካ እስረኞችን በመፍታት፣ እስርቤቱን ባዶ ያደርገዋል ተብሎ እየተጠበቀ እሱ ግን  እንደወጣ ቀረ። እንግዲህ ህይወት መቀጠሏ አልቀረም።  በችግር ጊዜ መረዳዳት ያለ ነውና፣ የቀድሞ ጓደኞቼ ምናልባት ከሰሙኝ አንዳንድ ጠቃሚ ምክሮችን እዚህ ላስቀምጥ።

የጠቅላይ ሚኒስትርነቱን ቦታ ለሃይለማርያም ከመስጠት የተሻለ ምንም አማራጭ የለም። በዚህ ጉዳይ ላይ ልዩነቶች እየጠበቡ ስለመጡ ይህ ችግር አይመስለኝም። ርግጥ ነው፣ ሁሉም የአባል ድርጅቶች ሃይለማርያምን የሚፈልጉበት የየራሳቸው ምክንያት አላቸው። በጥቅሉ ግን ‘ቢያንስ ሃይሌ አይከዳም።’ ተብሎ ይታሰባል። ሃይለማርያም ወንበሩን የሚረከብ ከሆነ የራሱን ካቢኔ ለመቋቋም መጠየቁ መረጃ አለ። መረጃው ግን አጠራጠሮኛል። ሃይሌ ከጀርባ የሚገፋው ከሌለ ብቻውን ያን ያህል አይዳፈርም። ስለቡድን አሰራር ደህና አድርገው አጥምቀውታልና፣ በአንጋፋዎቹ እየተመከረ ስራውን ሊሰራ ራሱን አሰናድቶአል። በባህርይው ለስላሳ በመሆኑ ትእዛዝ ይጥሳል ተብሎ አይጠበቅም። ህወሃት ሃይለማርያምን በደንብ እየተቆጣጠረ ለማሰራት፣ ከአንጋፎቹ አንዱን አማካሪ አድርጎ መሾም ነው። አርከበ እቁባይ፣ አባይ ፀሃዬ፣ ስዩም መስፍን የሚሉ አሉ። በውጭ ግንኙነት ልምድ ስላለው ስዩም ይሻላል። አባይ ፀሃዬ የጀመረውን ይጨርስ። በተለይ የዋልድባ ነገር ከስኳር ምርቱ ይልቅ ከጎንደር – ትግራይ ድንበር ጋር የተያያዘ የመሬት ባለቤትነት ጉዳይ ስላለበት፣ ያንን ዳር ማድረስ ይገባልና አባይ ፀሃዬን መንካት አይገባም።

ምክትል ጠቅላይ ሚኒስትርነቱን እና ውጭ ጉዳይ ሚኒስትርነቱን መለያየት ይሻላል። መለስ ይህን ያጣመረው ሃይለማርያም ሁለቱንም ወንበር እንዳይሰራበት ስለሆነ፣ አሁን ይህ አወቃቀር አያስፈልግም። ስለዚህ ምክትል ጠቅላይ ሚኒስትርነቱን ብአዴን ቢወስደው ይሻላል። ብአዴን በመሰረቱ ምክትልነት ነባር ይዞታው ነው። የምክትልነት ረጅም ልምድ ስላላቸው ኮርተው ሊሰሩት ይችላሉ። የሚመደበው ምክትል ግን አማራ ቢሆን ይመረጣል። አዲሱና በረከት ምንም እንኳ በሰው እጥረት ምክንያት አማራን የሚወክሉ ቢሆኑም፣ አማራ አይደሉምና ለሃሜት ያጋልጣሉ። በእርግጥ ህወሃቶች አማራን ወደ ቤተመንግስቱ ማስጠጋት አደጋ እንዳለው እንደሚያስቡ ይገባኛል። ግን ምን ይደረግ? የህዝብ ብዛት አላቸው። ሚዲያው በእጃቸው ነው። ዳያስፖራ የነሱ ነው። ለይስሙላም ቢሆን ከዋና ዋና ስልጣኖች ቢያንስ አንዱን ማግኘት አለባቸው። የሚመደበው ሰው ሃይለማርያም ላይ ተፅእኖ እንዳያደርግ ባይሆን አንድ ደከም ያለ አማራ ፈልጎ ማስቀመጥ ይሻላል። ቴዎድሮስ አድሃኖምን በምክትልነት ማምጣት በጣም አደገኛ ነው። “ህወሃት መከላከያና ደህንነትን መያዙ ሳይበቃው፣ ሃይለማርያምን ከታችና ከላይ አፍኖ ጨፈለቀው” የሚል ሃሜት ሊያስነሳ ይችላል። ስለዚህ ምክትሉ ከአማራ ቢሆን ይሻላል። ለምሳሌ ትምህርት ሚኒስትሩ ደመቀ ጥሩ ምርጫ ነው። ደመቀ እንደ ስሙ ደማቅ አይደለም። ዝም ያለ እንደመሆኑ፣ ሳያስቸግር የታዘዘውን ሊሰራ ይችላል። ሽሙጥ አይደለም፣ በጎ ምክሬን ስሙ!

ውጭ ጉዳይ ለኦህዴድ ቢሰጥ የሚል አሳብ አለኝ። ኦህዴድ ሲባል መቸም አሁን ፊትለፊት የሚታየው ግርማ ብሩ ነው። ግርማ ደግሞ አይታመንም። ልቡ አሁንም ከኢህአፓ ጋር ነው። መለስም እንዲሁ እንደጠረጠረው አለፈ። በማንኛውም ቀን ሊከዳና ዱብ እዳ ሊያፈነዳ ይችላል። ስለዚህ ግርማን ራቅ አድርጎ ማሰራቱ ይሻላል።

ምን ይሻላል ታዲያ?

ግርማ ካልሆነ ከዚያ በመለስ የተሻለ የሚባል ማን አለ? እኔም ግራ ገባኝ። ችግሩ አብዛኞቹ ኦህዴዶች ኦነግ መሆናቸው ነው። ባጫ፣ አባዱላ፣ ኩማ ይታመኑ ነበር። ውጭ ጉዳይ ይከብዳቸዋል። እንግዲህ ከኦሮሞ አምባሳደሮች አንዱን የተሻለውን ማምጣት ነው።  የውጭ ጉዳይ ምክትሉን ቦታ ግን የግድ ህወሃት መያዝ አለበት። እናም ኦሮሞውን ሚኒስትር ማንሳፈፍ። ለምክትልነቱ አርከበ እቁባይ ጥሩ ነበር። ኤርትራዊ ሆነ እንጂ ቴዎድሮስ ሃጎስም ሊይዘው በቻለ። ብርሃነ ገብረክርስቶስ ግን ከዚያ ቢነሳ ይሻላል። እሱ ሰውዬ እኔ ምኑም አይጥመኝ። ሌላ ቦታ ይፈለግለት። ያጠፋው ጥፋት በማስረጃ ቢገኝ ግን ጥቂት ጊዜ ማሰር ይመረጥ ነበር። ካልሆነ ነጋዴ ይሁን።

ሌላው ክፍት የስልጣን ቦታ የህወሃት ሊቀመንበርነት እና የኦህዴድ ሊቀመንበርነት ቦታዎች ናቸው። የህወሃት አያስቸግርም። ሚዲያዎች ሲተነብዩ እንደሰነበቱት ስዩም መስፍን ሊይዘው ይችላል። አዜብ ትቅርባችሁ። አትሆንም። አርፋ ቢዝነሷን ብትቀጥል ይሻላል። “የመለስን ራእይ የማውቀው እኔ ነኝ” ምናምን ትላለች አሉ። ደፋር ናት መቼም። ሰውዬውን አቃጥለው ካዳከሙት አንዷ እሷ ናት። ወላፈኗ ለሃገርም ተርፏል። ችግሯ መናገር እንጂ ማዳመጥ አለመቻሏ ነው። ስለዚህ ለአዜብ ምንም ቦታ መስጠት አይገባም። ለንደን አዲሳባ እያለች ትንሸራሸር። ገንዘብ ይዛለች፣ ሌላ ምን ትፈልጋለች?

በተረፈ መተካካት የሚባለውን ቀልድ መተው ነው። ለኦህዴድ መሪነት አስቴር ማሞ መታሰቧ ተሰምቷል። ይቅርባችሁ። የተበታተነውን ኦህዴድ ማሰባሰብ በፍፁም አትችልም። አስቴርን ከመሾም አባዱላን መመለስ ይሻላል። አባዱላ አሁንም ቢሆን ደጋፊዎች አሉት። በመጨረሻው ግድም ደህና ስም እያገኘ ነበር። የፓርላማውን መዶሻ ከፈለገች አስቴር ትውሰደው። አስቴር ካልፈለገችው፣ ልምድ ስላለው ተሾመ ቶጋ ይመለስበት።

ሳሞራና በረከትን ኮሽታ ሳይሰማ ማንሳት ይሻላል።

ሳሞራ ቢነሳም ባይነሳም ብዙ የሚጨንቀው አይመስለኝም። ኤክስፖ ላይ ሃውልት ቆሞለታል። የሙሉ ጄኔራልነትን ማእረግ አጊኝቶአል። ምን ቀረው? ጠቅላይሚኒስትርነቱን እግሩ ላይ ወድቃችሁ ብትለምኑትም አይወስደውም። ጀብደኛ እንደመሆኑ ወታደርነት ነበር የሚስማማው። ስለሳሞራ ብዙ መፃፍ እየፈለግሁ ሁልጊዜ እረሳዋለሁ። ኤርትራ ብዙ ዘመዶች አሉት። ሳሞራ (መሃመድ) ያደገው ግን አስመራ ሳይሆን አክሱም ነው። ልጅ እያለ አክሱም ፅዮን ማርያም ቤተክርስቲያን እየገባ፣ “አላሁዋአክበር!!” እያለ ቄሶችን ማበሳጨት ይወድ ነበር አሉ። ይህችን ታሪክ ስሰማ በጣም ነው የሳቅሁት። እንዲህ ያሉ ኮሚክ ብሽሽቆች ቀልቤን ይሰርቁታል። ሳሞራ ደግ አደረገ። እነሱስ ቢሆኑ አክሱም ላይ መስጊድ እንዳይሰራ ለምን ይከለክላሉ? የሆነው ሆኖ ጀብደኛው ሳሞራ ይብቃው። ደክሞታል፣ ይረፍ።

በረከት ግን ምን ይሆናል? እንደሚሰማው ገንዘብ የለውም። ከመፅሃፍ ሽያጭ የተገኘችው ለምንም አትሆን። ባለቤቱ ዱባይ መነገድ ጀምራለች ቢባልም፣ ከመሸ ሆነ። ብቻ አላሙዲ ጓደኛው ነው። ዝም አይለውም ይሆናል። ለረጅም እረፍት ወደ ሲሸልስ ደሴት ወይም ወደ ዛንዚባር ቢልከው ጥሩ ነው። የድንበር ውዝግቡ ቢቋጭ እንኳ፣ ምፅዋ ሄዶ ማረፍ በተሻለው። “መለስ አንድም ቀን ሳያርፍ አረፈ” የሚባል አባባል አለ። በምርጫ 97 መሸነፉን ቢያምን ኖሮ ግን የማረፍ እድል ያገኝ ነበር። በረከትም ሁዋላ፣ “አንድም ቀን ሳላርፍ አረፍኩ” ምናምን እንዳይለን ካሁኑ ቢያርፍ ይሻለዋል። “ኤርትራዊ ሆኖ የአማራን ድርጅት ይመራል” እያሉ ከሚያሳብዱት ሁሉን እርግፍ አድርጎ ቀሪ ህይወቱን በፀጥታ ማሳለፍ በተሻለው። እንደ መለስ ዜናዊ የደመቀ ሽኝት ያጋጥመኛል ብሎ ማሰብም አያዋጣም። መለስ የገዛ ቀብሩን ቢያይ በጣም በተገረመ ነበር።

የሆነው ሆኖ ጓዶች! ይቺ ምክር ከጠቀመች ያዟት። መልካም አዲስ አመት።

ቢሾፍቱ ሆይ! በሩቁ ሰላም ላንቺ ይሁን…

(www.tgindex.blogspot.com)

15 Responses to በጎ ምክር ለጓዶች (ተስፋዬ ገብረአብ)

  1. nebelbal Reply

    September 11, 2012 at 2:41 pm

    Pls go to Asmara and advice the dictator!

  2. tulu Reply

    September 11, 2012 at 11:25 am

    Hi tesfaye I am from debre zeit. i am reading your books and articles go ahead writing we will get some new information your wish to ethiopia is apprisiatd except when you were with weyannae.I am sure we will enjoy at hora cheleklaka hora kilola and zequala abo after weyannae

  3. e2441966@gmail.com Reply

    September 10, 2012 at 7:57 pm

    nothing to say cos no use

  4. alem Reply

    September 10, 2012 at 9:35 am

    ጎበዝ የዚህን ተስፋዬ የሚባል ሰው የመርዝ ብልቃጥ እያመጣችሁ ባታፈሱብን ምን አለ? በተለይ ኢ ኤም ኤፍና ኢካዴፍ ሳይቶች እንዴት እስካሁን የዚህ ሰው ድብቅ አላማ አክታያቸው እንዳለ ነው። እስኪ ተአፋዬ እስከ ዛሬ የጻፋቸውን ጽሁፎች ወደ ኋላ ተመልከቱና ኢትዮጵያዊ፤ ኢትዮጵያ፤ ኢትዮጵያዊነት የሚሉ ቃሎችን ፈልጋችሁ አግኙ። የተስፋዬ አጀንዳ የኢትዮጵያን ብሄሮች እርስ በ እርስ ማናከስ ነው።በተለይ አማራውን ፍጹም በማይታይ መልክ ሲደቁስ በተደጋጋሚ አይቻለሁ፡፤
    በዚህ ጽሁፍ ላይ ብቻ ያንጠባጠበውን መርዝ ተመልከቱ።

    በእርግጥ ህወሃቶች አማራን ወደ ቤተመንግስቱ ማስጠጋት አደጋ እንዳለው እንደሚያስቡ ይገባኛል። ግን ምን ይደረግ? የህዝብ ብዛት አላቸው። ሚዲያው በእጃቸው ነው። ዳያስፖራ የነሱ ነው።

    እውን ዲያስፖራው የአማራው ህዝብ ብቻ ያለበት ነው? ይህ የወያኔ ካዴዎች የሚሉትን ማረጋገጡ አይደለምን? ሚዲያውስ የአማራው ነው? ኢሳትና ፕሮ ዲሞክራሲ ሳይቶች ሁሉ የአማራው ናቸው? ስደት ላይ ያለው ህዝብ እንዴት በአንድ ብሄር ይወከላል?

    ውድ የኢትዮጵያ ሳይቶች ይህ ሰው በናንተው ሳይት ላይ እናንተኑ ሲሰድብ የአንድ ብሄር ወኪል ሲያደርጋችሁ እንዴት ማየት አቃታችሁ? የተስፋዬ ጽሁፍ እንደ አቤ ቶኪቻው እያዝናና ያስተምራል ብላችሁ እንደሆነ አትሳሳቱ። ተስፋዬን የሚናገረው የልቡን ነው። የ 11ኛ B ውን የተስፋየን መርዘኛ አላማ ለማወቅ የሮኬት ሳይንትስት መሆን አያስፈልግም። እነኚህን አህያ አማሮች ቀለድኩባቸው እያለ ሲስቅ ይታየኛል….ግን እስከመቼ እንዲህ እንከፍ ሆነን

  5. በለው ! Reply

    September 9, 2012 at 2:01 pm

    ደርዘን ጥያቄዎች ከተስፋዬ ገ/አብ (በሚለው ርዕስ የሚከተለውን መመለሴ ይታወሳል ምክሩ ይጠቅማል?)አልተሳሳትንም!!
    ፩) መለስ ዜናዊን ለሞት ያበቃው ምንድነው?
    *ኢህአዴግ ለራሱ ጊዜ ማራዘሚያ የጻፈው ሕገ መንግስት አንድ ገፅ ተኩል የተለጠጠ ስልጣን ጠቅልሎ ጠቅላያችን አደርጋቸው እሳቸውንም ጠቀለላቸው!።አራት ነጥብ።
    ፪)መለስ መሞቱን በቅድሚያ የተናገረው ማነው?
    *የፍሪካ መሪዎች ስብሰባ ም/ ሰብሳቢው እና ዋናውን እሬሳቸውን አድዋ ያደረሱት ግለሰቦች
    ፫)መለስ በመሞቱ የኢትዮጵያ ሕዝብ ስሜት ምንድነው?
    *ከመጠን በላይ…በከፍተኛ ደረጃ…ቁጭት ሀዘን…ምሬት ግለሰቡ በዓለም የወንጀለኞች ፍ/ቤት ባለመቆማቸውና ለተወሰነም ቀን ቢሆን እየታከሙ የሰሩትን ሁሉ ከሕዝብ ማዳመጥ ነበረባቸው።
    ፬)ለመለስ መታሰቢያነት ከሚከተሉት የቱ ይገባዋል?
    *በአባይ ግድብ አካባቢ በስሙ ባንክ መክፈት ከሀገር የሸሹ ብሮች ለድሃው ይመለሱለት! አባት እናቶቻቸው ለተገደሉ! ለታሰሩ!ከሥራ ለተባረሩ! ከቀዬያቸው ለተፈናቀሉ መልሶ ማቋቋሚያ ይሁን!
    ፭)አባ ጳውሎስ ለምን ሞቱ?
    *ቀድመው የአቶ መልስ ዜናዊን ሞት ስለሠሙ ደንግጠው… የትግራይም ጳጳስ እንዲሁ !
    ፮) ቀጣዩ የኦህዴድ ሊ/መ ማን ይሆናል?
    *አስቴር አባዱላ ሙክታር….( አመራር በደቦ) (group leadership)
    ፰)በረከት የጠቅላይ ሚኒስትርነቱን ይወስዳል ተብሎ የማይተርጠረው ለምንድነው?
    *በቅርቡ ፎጋሪው የኤርትራዊያን አንጃ “ብአዴን” ስለሚጠፋ! ባለቤቶቹ ቦታው ይገባናል ሲሉ ሊነሱ ነው!!!
    ፱)ቀጣዩ የህወአት ሊ/መ
    *ስዩም መስፍን ከሌሎች ጋር በደቦ…(group leadership)
    ፲)ቀጣዩ የውጭ ጉዳይ ሚ/ር
    *የቀድሞው ሚኒስትሩ ብርሃነ ገ/ክርስቶስ ይፀናሉ።
    ፲፩)ቀጣዩ ም/ጠ ሚኒስትር ማን የሆናል?
    *ብርሃነ ገ/ክርስቶሰ ዲና ሙፍቲ (አንድ ብአዴን ታጋይ)ግርማ ብሩ..
    ፲፪) ቀጣዩ የኢትዮጵያ ጠ/ሚኒስትር ማን ይሆናል?
    *ቀድሞ ጠ/ሚ መልስ ዜናዊ የሚሰሩትን ለመሥራት ከባድ ነው ብለህ ፀብ ሳይመጣ በቃልህ ተናገር ብለው ሀይለማርያም ደስአለኝን ጆሮውን ይዘው ስላስለፈለፉት ሕገ መንግስቱ የሚሰጠውን አንድ ገፅ ተኩል ሙሉ መብት ለ፯ ተካፍለውታል ስለዚህ እየታየ የማይኖረው ሀይለማርያም ደስአለኝ በጨረፍታ ለፎቶ ለፈገግታው ብቻ ይሠየማል!!ብሔረሰብ ይጨፍራል ሕዝብ ይመራል።ብሔረሰቦች ያኗኑራሉ>?
    ፲፫) የኢትዮጵያ እና የኤርትራ ግንኙነት በቀጣይ ወዴት ያመራል?
    *የመለስ ዜናዊ ራዕይ ” እሰካልተበረዙና እስካልተበከሉ ” ድረስ ታጋይ አዜብ መስፍን ጎላን ከግብ የማድረሱን ሁኔታ በእሳቸው ጥለነዋል እንጠብቃለንም!! የታጋይ አዜብ ቃል ደርዘን ጥያቄዎች አሉት በለው!!ከሀገረ ካናዳ በቸር ይግጠመን>>>>>>>>

  6. metahu Reply

    September 9, 2012 at 11:26 am

    We know you now that you are working for Shabya and you are also responsible for the death of weyane victums.

  7. Mesfin Reply

    September 9, 2012 at 9:17 am

    Mesfin:

    Hi Tesfaye! I too am from Bishoftu. In fact I lived there for about 3 years (1963-1965 Eth C.) I started my schooling at Atse Libne Dingil Elementary school. Of the people I remember is Wodajo, the one who used to write his name on the sands by his toe (Ye egru awra tat).Do you rememeber him? You should!

    Any way, today my intention is not to talk about Debre Zeyt or Bishoftu (Bishan Fuutuu, by the way the name Bishoftu is a distortion of its oromo nam of Bishan Fuutuu, which means the water that stinks like …, Yemishet wuha.) My intention today is to ask you if you can, in deed, and if you are willing, can you tell us who is who in the TPLF, ANDM, OPDO and SPDN(?)I mean their ethnic background? I was amazed when you mention that Arkebe Equbay is an Eritrean. I suspect that Addisu is from the Oromo tribe and you conoludated my suspition when you say that he is not an Amhara. Can you tell us who is from which tribe he/she is please? There is a rumer that Kuma (the Mayor of Addis) is an Eritrean who was born in one of the Oromo region. Abadula is als suspected that he is not an Oromo, blah, blah. Can you write on this part please?

  8. hadis Reply

    September 9, 2012 at 7:26 am

    Tesfaye: i like your comment, but do you think that WOYANE will hold power? time will come for us. to tell you the …..uuuuuuuuufffffff

  9. Anonymous Reply

    September 9, 2012 at 3:21 am

    ከጽሁፉ የተረዳሁትና ያሳዘነኝ የ90 ሚሊዮን ህዝብ እጣ ፈንታ በጥቂቶች በጠባብነት በሽታ በተለከፉ ሰዎች እጅ መውደቁ ሲሆን ጸሃፊው ደግሞ ማንም ባይሰማውም እንደቼዝ ጨዋታ የለከፈውን ቡድንንና የተለከፈበትን ስርአት ህልውና እንዲቀጥል እያመላከተ እንደሆነ ግልጽ ነው:: የዘረኝነት ዳፍንት ባይጠናወተው ኖሮ ከአድማስ ባሻገር ያለውን ተስፋ አርቆ ማየት በቻለ ነበር:: ያሳዝናል::

  10. Mark Reply

    September 9, 2012 at 12:19 am

    hahahaha ufffffeeeyyyy ……soooo funny, thanks Tesfish

  11. Misraq Reply

    September 8, 2012 at 11:26 pm

    yematreba neh zelzala

    • mrab Reply

      September 9, 2012 at 12:49 am

      min aderegesh misraq ?

      • Misraq Reply

        September 9, 2012 at 10:19 am

        ye mecheresha ayne derek ethiopian yemaywed delala new I hate him!!

  12. Walelgne Mekonnen Reply

    September 8, 2012 at 9:22 pm

    Thank you Mr. Tesfaye, most of the time you want to tell us “what you want” not the reality. I know you are rich of woyanes prons and cons, please come to the ground and expose them as much you have/can.

  13. DASSENNECH Reply

    September 8, 2012 at 8:53 pm

    hmmmmmmmmmmm Tesfay started engineering woyanes structure?

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>