በጠቅላይ ሚኒስትሩ “መኖር” እናምናለን አምነን ግን እንጠይቃለን!

August 17, 2012

አቤ ቶኪቻው

በቅርቡ አቶ በረከት ስምዖን ለኢትዮጵያ ቴሌቪዥን ከዛም ቀጥሎ ውጪ ሀገር ለሚገኝ ራዲዮ ጣቢያ ቃለ ምልልስ ሰጥተውም አልነበር! በዛን ወቅቅት የኮሚኒኬሽን ሚኒስቴራችን ደረታቸውን ነፍተው ደምፃቸውን አወፍረው “የአቶ መለስ ጤና ባለፈው ጊዜ ከገለፅኩት በጣም እየተሻሻለ መምጣቱን እና በቅርቡም ወደ ስራቸው እንደሚመለሱ ልነግራችሁ እወዳለሁ!” ብለው ነገረውናል።

ታድያ ውጪ የሚገኘው ጋዜጠኛ አቶ በረከትን አንድ ፈታኝ ጥያቄ ጠይቋቸው ነበር። “አቶ መለስ በህይወት ካሉ ወይ ድምፃቸውን ወይ ደግሞ ምስላቸውን አለማቅረብዎ እንደ መንግስት ኮሚዩኒኬሽን ኃላፊነትዎ የብልህ እርምጃ ነው ይላሉ?” ብሏቸው ነበር።በጠቅላይ ሚኒስትሩ “መኖር” እናምናለን አምነን ግን እንጠይቃለን!

እርሳቸውም እንደ ማህረቤን ያያችሁ ጨዋታ ዙሪያውን ተሽከርክረው ተሽከርክረው “እኛ ምስል ባናሳይም ድምፅ ባናሰማም ህዝባችን ያምነናል ውጪ ሀገር ያለው ህዝብ ነው የማያምነው እርሱ ደግሞ የራሱ ጉዳይ” ብለዋል።

እውነታቸውን ነው። አቶ በረከትን እና እምዬ ኢህአዴግን ካላመንን ማንን እናምናለን!? ስለዚህ አዎ ልክ ናቸው በሀገሩ ህዝብ ኢህአዴግ ይታመናል። ችግሩ ግን እኛ ስናምነው እርሱ ደግሞ ያመናል እንጂ… ማመኑንስ እናምነው ነበር።

ለምሳሌ በ97 ቱ ምርጫ የምርጫውን ውጤት ተቀብሎ “ላጥ” ይላል ብለን አምነን ነበር። ግን አልታመነም በጥይት አሳመመን እንጂ… አሁንም ለምሳሌ በ2002 ቱ ምርጫ ፍትሀዊ እና ዴሞክራሲያዊ ምርጫ ያደርጋል ብለን አምነነው ነበር ነገር ግን በተቃራኒው ሆነ ታመምንም። አሁንም ለምሳሌ የዛሬ ሃያ አመት ከአስር አመት በኋላ ሁሉም ኢትዮጵያዊ በቀን ሶስቴ ይበላል ተብለን አምነነን ነበር። ነገር ግን ከሃያ አመት በኋላ እንኳን በሚሊዮን የሚቆጠሩ ዜጎች በርሃብ እንደተጠቁ ከራሱ የመንግስት ሚዲያ ሰምተን ታመናል።

የሆነ ሆኖ አሁንም የአቶ መለስን ነገር ከራሱ የመንግስት አፍ ካልሰማን በስተቀር “በህይወት አሉ በቅርቡ ወደ ስራቸው ይመለሳሉ” በሚለው የአቶ በረከት ንግግር እናምናለን አምነን ግን እንጠይቃለን!

ታድያ በህይወት ካሉ፤ ታድያ ካለፈው ጊዜ የተሻለ ጤንነት ላይ ከተገኙ፤ ባለፈው ጊዜ አትሌቶቹ ያንን ሁሉ ድል ሲያስመዘግቡ በርካታ የበታች ሹማምንቶቻቸው” ደስ ብሎናል እንኳን ደስ አላችሁ” ሲሉን እርሳቸው ምነው ዝም አሉን? የህዝቡ ደስታ የእርሳቸው ደስታ አይደለምን!? ብለን ጠየቅን መልስ ግን የለም። ይሁን እንግዲህ የኢትዮጵያን ህዝብ በሆነ ነገር ተቀይመውት ቢሆን ነው። ብለን እኛም ዝም አልን።

አሁን ደግሞ የብፁህ አባታችን ዜና እረፍት ተከትሎ በርካታ የመንግስት ባለስልጣናት “እግዜር ነብሳቸውን ይማር” ብለው ሀዘናቸውን ሲገልፁ ጠቅላይ ሚኒስትራችን ግን “ከእጃቸው እንዳልተሳለመ ሰው” ዝም ብለዋል። እኛ እስከምናውቀው ድረስ አቶ መለስ እና አቡኑ በጣም ወዳጅ ነበሩ…! ታድያ አቶ መለስ ሞታቸውን ሲሰሙ ዝም ማለት እንደምን ሆነላቸው። ፀብ ነበራቸው ማለት ነው? ወይስ አቶ መለስ ሌላው ሌላው “ባለፈው ጊዜ ከተገለፀው ሲሻላቸው” መስማት እና ማየት ገና አልጀመሩም…!? ታድያ ምኑን ተሻላቸው?

እባክዎን አቶ በረከት እስቲ ደግሞ ብቅ ብለው ይንገሩን!

በመጨረሻም

‘ሕገ ቤተ ክርስቲያን’

የቤተክርስቲያን መተዳደሪያ ህግ አንቀፅ 17 እንዲህ ይላል

“ፓትርያርኩ በሞት ሲለይ ቅዱስ ሲኖዶስ በሹመት ቀደምትነት ካላቸው ሊቃነ ጳጳሳት መካከል በዕለቱ ዐቃቤ መንበረ ፓትርያርክ መርጦ ይሾማል፡፡ የተተኪው ፓትርያርክ ምርጫም ይካሔዳል፡፡” ብራቮ ቤተክርስቲያናችን!

ሕገ መንግስቱ ግን ጠቅላይ ሚኒስትሩ ቢሞቱ የሚል ቃል የለውም… ሳስበው ያኔ ህገ መንግስቱ ሲረቅ አቶ መለስ “ተዉ አታሟርቱብኝ… እኔ አልሞትም!” ብለው እንዳይጠቀስ አደረጉ ይመስለኛል።

Please LIKE our Facebook page - it makes us stronger:

2 Responses to በጠቅላይ ሚኒስትሩ “መኖር” እናምናለን አምነን ግን እንጠይቃለን!

  1. yared taju Reply

    August 20, 2012 at 6:37 am

    Esat is very important for Ethiopian freedom
    (esat I’m from Ethiopia) bertu tenkiru beahun seat ye Ethiopia wetatoc esatn ydegifalu bizu wetatoc alu bertu bertu

    one day Ethiopia is free
    long live for Ethiopia

  2. Teddy Reply

    August 17, 2012 at 2:35 pm

    መለስና አቡኑ-ፍቅር እስከ መቃብር

    አቡኑና መለስ፣ መለስና አቡኑ፤
    ድርና ማግ ሆነው እንዲያ ሲፎንኑ፤
    በወራት ልዩነት፣ ከአይናችን በነኑ።
    ልክ እንደ ሹመቱ፤ እንደተመካከሩ፤
    በመቅዘፍት ተይዘው፣ ሲደነባበሩ፤
    ከሆስፒታል ገብተው፣ እንደተኙ ቀሩ።
    ከ70 ዓመት በፊት፣ በሃዲስ ተደርሶ፤
    ፍቅር እስከ መቃብር፣ በሚል ተደጉሶ፤
    በልብ ወለድነት፤ ለሁሉም ተዳርሶ
    በኢትዬጵያ ምድር፣ ሲኖር ተወድሶ፤
    በገሃድ ታወጅ፤ ይኸው ቀኑ ደርሶ።
    የእኒያን ፊውዳሎች፣ ግብራቸውን ወስደው፤
    በወራት ልዩነት፣ ይሄው አየናቸው፤
    መለስና አቡኑ፣ ገጸ ባህሪ ሆነው፤
    በአስገራሚ ፍጥነት፣ ሄዱ ተመራርተው።

    ቴዲ ፣ ነሐሴ 10 2004 ዓ.ም ተጻፈ
    መታሰቢያነቱ በወራት ልዩነት ለተለዩን ለጠቅላይ ሚነስትር መለስ ዜናዊና ለፓትርያርክ አቡነ ጳውሎስ

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>