ብታምኑም ባታምኑም፤ ፌስ ቡክን በመጠቀማቸው ሰራተኞች ሃርድ እየተሰጣቸው ከስራም እየተባረሩ ነው!

August 7, 2012

አቤ ቶኪቻው

ከዚህ በፊት በፌስ ቡክ የመልዕክት ሳጥኔ ውስጥ አንድ ወዳጄ አላባ አካባቢ ወደ ሶስት የሚጠጉ የመንግስት ሰራተኞች በፌስ ቡክ ላይ ፖለቲካ ነክ ፅሁፍ ለጥፋችኋል ተብለው ከስራ መባረራቸውን ነገሮኝ ነበር። እኔ ግን ይሄንን ነገር ከራሳቸው ከተባራሪዎቹ ሰዎች ካልሰማው በስተቀር የመንግስቴን ስም “በከንቱ” አላጎድፍም ብዬ ስልካቸውን እንዲልክልኝ ጠየኩት። (እንዴት ያለሁ ልማታዊ ወገኛ እንደሆንኩ ብቻ ግራ ቀኝ ልብ አድርጉልኝ!) ልጁ ግን ስልካቸውን ፈልጌ ልክልሃለሁ ብሎኝ ሳይልክልኝ ቀረ። እኔም ያንን ወሬ አላወራም ብዬ ፀጥ አልኩ።ብታምኑም ባታምኑም፤ ፌስ ቡክን በመጠቀማቸው ሰራተኞች ሃርድ እየተሰጣቸው ከስራም እየተባረሩ ነው!

ነገር ግን በሌላም ግዜ በተደጋጋሚ የተለያዩ ወደጆቼ “በፌስ ቡክ ግድግዳችሁ ላይ ፖለቲካ ፖልትካችኋል” እየተባሉ ከአለቆቻቸው ዘንድ ግሳፄ እየተሰጣቸው መሆኑን ስሰማ ይሄ ነገር ሁሉም ዘንድ ነው ማለት ነው… ብዬ በማንሰላሰል ላይ ሳለለሁ፤

አንዱ ወዳጄ ደግሞ ከምስራቅ የኢትዮጵያችን ክፍል ከአንዱ ወረዳ ሌላ መልዕክት ሰደደልኝ።

ይህ ወዳጃችን በወረዳው ውስጥ በአንዱ የመንግስት መስሪያ ቤት “ICT” ኤክስፐርት የስራ መደብ ላይ ተቀጥሮ ይሰራ ነበር። በመስሪያ ቤቱ የሚገኙ በርካታ ወዳጆችን ወደ ፌስ ቡክ ሰፈር እንዲቀላቀሉ አድርጓል። ራሱም አዘውትሮ ፌስ ቡኩን ይጠቀማል።

ይህ ተግባሩ ግን በመስሪያ ቤት አለቆቹ ዘንድ አልተወደደለትም። ምን አለመወደድ ብቻ ከስራውም እንዲፈናቀል ምክንያት ሆነው እንጂ…! እኔማ ምናልባት በፌስ ቡክ ላይ ብዙ ጊዜህን እያጠፋህ የመንግስትን የስራ ሰዓት በድለህ ይሆን…!? ብዬ ጠይቄው ነበር… እርሱቴ… ከትርፍ ሰዓቱ ውጪ የግል ጉዳዩን ንክች አያደርግም። ይልቅስ “በዋናነት ከስራ ለመባረሬ ምክንያት ለአብዛኛው የመስሪያ ቤት ሰዎች ፌስ ቡክን በማስተዋወቄ ነው!” ብሎኛል።

ይህንን ወሬ የነገረኝ ወዳጄ ብታምንም ባታምንም ብሎ ነው። እኔም “ብታምኑም ባታምኑም…” ብዬ አካፈልኳችሁ!

በኢትዮጵያ ቴሌቪዥንም “ከፌስ ቡክ ነፃ የሆነ ማኅበረሰብ እንፍጠር” አይነት ስብከት መስማት ከጀመርን ቆይተናል።

Please LIKE our Facebook page - it makes us stronger:

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>