አንድ አስተያየት፤ አቶ ጁነዲን ቻል ያድርጉት… ሁሉም የሚታሰረው ያለ ማስረጃ ነው!

August 4, 2012

አቤ ቶኪቻው

አንድ አስተያየት፤ አቶ ጁነዲን ቻል ያድርጉት… ሁሉም የሚታሰረው ያለ ማስረጃ ነው!

አቶ ጁነዲን ሳዶ ዛሬ ለታተመው ኢትዮ ቻናል  ጋዜጣ  የነገሩትን አውራምባ ታይምስ ዌብ ሳት አቀብላን ተመልክተነዋል።

ሚኒስቴር ጁነዲን ሳዶ ባለቤታቸው ከታሰሩባቸው ዛሬ አስራ ስድስተኛ ቀናቸው ነው። በዚህም የተነሳ ቤታቸው መቀዝቀዙን ልጆቻቸው መጎሳቆላቸውን እና የመሳሰሉትን ጠቅሰው እስሩ አግባብ አይደለም ብለው ተናግረዋል።

የሚኒስቴሩ ባለቤት የታሰሩት ከአክራሪነት ጋር በተያያዘ መሆኑን ነገር ግን ምንም ማስረጃ እንዳልተገኘባቸው እና የዚህ አይነቱ እስር ነውር መሆኑን አስረድተውናል።
ጥሩ ነው ለሚስትዎ እርስዎ ካልተከራከሩላቸው ሌላ ማን አላቸው…!? ነገር ግን ኦቦ ጁነዲን፤ ካለ ማስረጃ መታሰር እኛ ሀገር ብርቅ ነው እንዴ!?

አንድ ወዳጄ በዚህ ጉዳይ ላይ ስናወራ ምን አለኝ መሰልዎ፤ በቅርቡ የዋልድባ ገዳም መነኩሴዎችን እና የአንዋር መስጊድ “ኡስታዞችን” እስር አነሳልኝ እና “ተዋርዶ ያለበት እስላም ክርስቲያኑ ተዘነጋሽ እንዴ ኢትዮጵያ መሆኑ!” ሲል አንጎራጉሮልኛል።

እናልዎ አቶ ጁነዲን ቃሊቲ አንዳፍታ ሄድ ብለው ማን በምን ታሰረ…? የሚለውን መርመር ቢያደርጉ እውነት እውነት እልዎታለሁ “እስር ቤቱ ባዶ ከሚሆን” ተብለው የታሰሩ በርካታ ሰዎችን ያገኛሉ።

በቅርቡ እንኳ ፍፁም ሰላማዊ ተቃውሞ ሲያሰሙ የነበሩ ሙስሊም ወዳጆቻችን “አፈሳ” በሚመስል መልኩ ወደ እስር ቤት ተግዘዋል። እነዚህ ወገኖች ለምን እንደታሰሩ ለማወቅ ከፈለጉ ዝም ብለው አንድ አርብ ወደ አንዋር መስጊድ ይሂዱ፤ በዛውም ለባለቤትዎ “ዱዓ” አድርገው ይመለሳሉ። እናልዎ በአንዋር የሚደንቅ አይነት ሰላማዊ የተቃውሞ ትዕይንት ሲደረግ ይመለከታሉ።  እንግዲህ ይህንን ሰላማዊ ተቃውሞ ያስተባበሩ ወገኖች በሙሉ ተለቅመው ከታሰሩ ዛሬ ረመዳን አስራ ስድስተኛ ቀናቸው ነው።

እና አቶ ጁነዲን ከተናገሩ አይቀር ባለ ስልጣን ኖትና በርስዎ ያምራል፤ ሁሉም ያለ ምንም ማስረጃ የታሰሩ ኢትዮጵያውያን እንዲፈቱ ይጠይቁ… አለበለዛ ግን የእርስዎ ባለቤት ያለ ማስረጃ መታሰር ብርቅ አይደለምና ቻል ያድርጉት!

አረ ሳልነግርዎ አንድ ወዳጄ ባለቤትዎ መታሰራቸውን ገና ሲሰማ ምን እንዳለ ሰምተዋል…? ከሰሙም ይድገሙት ካልሰሙም እንሆ፤ “ባለቤቱን ካልናቁ ሚስቱን አይነቀንቁ!”

Please LIKE our Facebook page - it makes us stronger:

4 Responses to አንድ አስተያየት፤ አቶ ጁነዲን ቻል ያድርጉት… ሁሉም የሚታሰረው ያለ ማስረጃ ነው!

  1. zienamarqos Reply

    August 5, 2012 at 5:55 pm

    @>>>>>>>:የትግሬ:ወያኔዎች:ባለ:ሥልጣኖች:የሚጮሁት:ከቤታቸው:ሲገቡባቸው:ብቻ:እንጂ:
    ለሕዝብ:ተወካይ:መሆናቸውን:አይገነዘቡትም:እንደ:ሸንኮር:አገዳ:መጥጤው:እስኪተፏችሁ:ድረስ:አቶ:ጁነዲን:(እኛም:አቤ:ያለውን:እንደገመውና):ቻል:ያድርጉት::

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>