Home » ዜናዎች » አለም አቀፍ የነፃነት ትግል ድጋፍ ጥሪ!!! (የዲሲ የጋራ ግብረ ሃይል)

አለም አቀፍ የነፃነት ትግል ድጋፍ ጥሪ!!! (የዲሲ የጋራ ግብረ ሃይል)

Washington DC Ethiopians Protest September 19, 2016

የሺህ ዘመናት የነፃነት እመቤት ሀገራችን ኢትዮጵያ ሀገር በቀል በሆኑ ጠላቶቿ እቅፍ ውስጥ ከወደቀች 26 የግፍ አመታትን እስቆጥራ ተረገጠች ደሟም፣ እንባዋም እንደጎርፍ ፈሰሰ መሳቂያ መሳለቂያም አደረጓት፤ ሆኖም ዛሬ ግን ጥሪ አቀረበችልን ከወያኔ ጋር አብራችሁ ታጠፋኝ ወይስ ታድኑኝ የሚል።

መልሳችን እናድናት ይሁን ያለው የዲሲ የጋራ ግብረ ሃይል ከበርካታ ስብስቦች ጋር በመሆን በኢትዮጵያ አዲስ ዓመት ዋዜማ ላይ በአለም ዙሪያ የተበተንን ልጆችዋ ነን የምንል ሁሉ ዘር፣ ሀረግ ሳንቆጥር ከወትሮ ለየት ባለ መልኩ አገር እንቀጥቅጥ የነፃነት አብሳሪ የሆነ ታላቅና ደማቅ አለማቀፍ ሰላማዊ ሰልፍ በማድረግ ወገናዊ አጋርነታችንን እንድናሳይ እንጠይቃለን።

መነሻችንም በእሬቻ በአል ላይ የፈሰሰውን በሺህ የሚቆጠሩ ወንድሞቻችን፣ እህቶቻችን፣ አባቶቻችንና እናቶቻችንን፣ የጎንደርንና የጎጃምን ወገኖቻችንን ደም እንዘክራለን፤ የጋቤላ፣ የሱርማንና ኮንሶን ጩኸት አብረን እንጮሀለን፣ የእሳሳንና፣ የገርባን የኢትዮጵያ ሙስሊሞችን የገበሩትን ደም እናስባለን፣ ቆሻሻው ወያኔ በቆሼ የቀበራቸውን እንዘክራቸዋለን፣ የዋልድባን መርከስ እንኮንናለን የመነኩሴዎቻችንን ፅናት እናወድሳለን፤ እናስባለን፤ በመቶ ሺህ የሚቆጠሩ እስረኞችን ከነስቃያቸው በማውሳት ሁሉም ይፈቱ እያልን እንጮሀለን፤ የታሰሩ የድርጅት መሪዎች ይፈቱ ስንል ከ ፕ/ፌ መረራ ጉዲና እስከ ኮ/ሌ ደመቀ ዘውዴ ከበቀለ ገርባ እስከ አንዳርጋቸው ፅጌ ከንግስት ይርጋ እስከ ከአንዱአለም አራጌ ከእስክንድር ነጋ እስከ ማሙሸት ከሙስሊም መፍትሄ አፈላላጊዎች እስከ ወልቃይት ኮሚቴና ሌሎቹም ያለምንም ቅድመ ሁኔት ሁሉም ይፈቱ እንላለን፤ በወያኔ ደብዛቸው የጠፋውን እነ ፀጋዬ፣ እነ አበራሽንና ሌሎችንም እናስታውሳቸዋለን፤ በአጠቃላይ በደል የደረሰባትን አገራችንን እና ወገኖቻችንን እናስባቸው ዘንድ የዋሽንግተን ዲሲን ካፒቶል ልናጨናንቅ ዝግጅት ጀምረናል እንዲሁም በአውሮፖ፣ በካናዳ፣ እውስትራሊያና በደቡብ አፍሪካ ተመሳሳይ ጥያቄዎችን ይዘው በመጮህ ለኢትዮጵያ ህዝብ እጋርነታቸውን ያሳያሉ።

እርሶም የአጋርነትዎን ድርሻ በመወጣት ከወገኖቾ ጋር በመሆን ለወገኖቾ እንዲጮሁ አገራዊ ጥሪአችንን በእክብሮት እናስተላልፋለን

አንድነታችን ሀይላችን ነው !!!

የዲሲ የጋራ ግብረ ሃይል !

Leave a Reply

Your email address will not be published. Required fields are marked *

*

Click here to connect!